Bolš za 100 tysiač čałaviek u Francyi padpisali zvarot da ŭładaŭ z patrabavańniem nie zakryvać plaž horada Vałary na mižziemnamorskim uźbiarežžy krainy dla publičnaha naviedvańnia padčas adpačynku saudaŭskaha karala Sałmana.
Sałman i jaho śvita, jakaja naličvaje bolš za tysiaču čałaviek, źbirajucca pravieści na Błakitnym Bierazie try tydni. U hatelach horada zabraniravanyja sotni numaroŭ.
Uvieś hety čas, pavodle rasparadžeńnia francuzskich uładaŭ, plaž budzie adkryty tolki dla haściej z Saudaŭskaj Aravii. Kab nie dapuścić akcyj pratestu, ułady vystavili ŭzdoŭž plažu ačapleńnie.
Aŭtary pietycyi suprać zakryćcia plažu nastojvajuć na tym, što jon źjaŭlajecca hramadskim nabytkam i tamu nie moža addavacca ŭ karystańnie tolki peŭnaj hrupie ludziej.
«My prosim dziaržavu harantavać fundamientalny pryncyp roŭnaści ŭsich hramadzian pierad zakonam», — havorycca ŭ zvarocie.
Kamientary