U Baranavickim rajonie pjany kiroŭca najechaŭ na pałatku la voziera, 18-hadovaja dziaŭčyna, jakaja spała ŭ joj, zahinuła, paviedamili ŭ DAI UUS Bresckaha abłvykankama.
Kampanija maładych ludziej adpačyvała z namiotami na bierazie voziera ŭ vioscy Amnievičy. Kala 5.30 ranicy 25 lipienia žychar Baranavičaŭ 1989 naradžeńnia ŭ stanie ałkaholnaha apjanieńnia sieŭ za rul aŭtamabila i staŭ zdavać zadnim chodam. Pry ruchu jon najechaŭ na turystyčnuju pałatku, dzie spała 18-hadovaja dziaŭčyna. U vyniku najezdu dziaŭčyna, žycharka Hancavič, zahinuła. U kryvi kiroŭcy vyjaŭlena 1,9 pramile ałkaholu.
U hety ž dzień u vioscy Radastava Drahičynskaha rajona padčas sielhasrabot u fiermierskaj haspadarcy miascovy žychar, kirujučy kormarazdatčykam, najechaŭ na adnaviaskoŭca, jaki spaŭ u sałomie. Mužčyna 1941 hoda naradžeńnia ad atrymanych traŭmaŭ skanaŭ.
25 lipienia ŭ Breście na vuł. Pijanierskaj padčas kładki asfaltu ciažka traŭmavany darožny rabočy. Pavodle papiaredniaj infarmacyi, kiroŭca darožnaha katka pry ruchu zadnim chodam najechaŭ na darožnaha rabočaha, jaki stajaŭ zzadu. Paciarpieły ź ciažkimi traŭmami dastaŭleny ŭ reanimacyjnaje adździaleńnie Bresckaj abłasnoj balnicy.
Kamientary