Pavodle hazety «Ježiednievnik» da siaredziny hodu budzie raspracavany i pradstaŭleny ŭ parlament prajekt Zakonu «Ab paradku vyjezdu i ŭjezdu ŭ krainu hramadzianaŭ Respubliki Biełaruś».
Nieabchodnaść raspracoŭki zakonaprajektu nibyta vyklikanaja tym, što apošnim časam roznyja zakanadaŭčyja akty, datyčnyja vyjezdu i ŭjezdu ŭ Biełaruś, zaznali peŭnyja źmieny. U pryvatnaści, byŭ skasavany dazvolny štamp na vyjezd, a taksama ŭviedzienyja abmiežavańni na vyjezd dla tych asobaŭ, u dačynieńni jakich viadziecca kryminalny pieraśled abo jany majuć finansavyja zapazyčanaści pavodle rašeńniaŭ sudoŭ, jakija ŭstupili ŭ zakonnuju siłu.
Tym časam, hetyja novaŭviadzieńni ŭstupajuć u supiarečnaści ź inšymi aktami i vyklikajuć mnostva pytańniaŭ jak u samich hramadzianaŭ, tak i ŭ supracoŭnikaŭ MUS, KDB i Dziaržpamiežkamitu. Tamu ŭ raspracoŭcy novaha zakonu voźmuć udzieł nastupnyja viedamstvy: KDB, Ministerstva ŭnutranych spraŭ, Dziaržaŭny pamiežny kamitet, Ministerstva zamiežnych spraŭ.
U pres‑słužbie Kamitetu dziaržbiaśpieki admovilisia ad kamentaroŭ pra prajekt zakonu ab vyjeździe za miažu.
Kamientary