Siońnia 70 hadoŭ spaŭniajecca viadomamu biełaruskamu archieolahu i historyku Michasiu Čarniaŭskamu.
Siońnia 70 hadoŭ spaŭniajecca viadomamu biełaruskamu archieolahu i historyku Michasiu Čarniaŭskamu. Jon naradziŭsia 7 sakavika 1938 hodu ŭ vioscy Kruci Miadzielskaha rajonu. Byŭ udzielnikam klubu valnadumnaj intelihiencyi «Akademičny asiarodak», jaki byŭ razhromleny ŭ 1973—74.
Jak navukoŭca, Michaś Čarniaŭski vyvučaŭ niomanskuju archiealahičnuju kulturu i kryvinski varyjant narvienskaj kultury, daśledavaŭ kremniezdabyŭčyja šachty ŭ Vaŭkavyskim rajonie, pomniki kamiennaha i bronzavaha vieku ŭ inšych miaścinach Biełarusi. Udzielničaŭ u padrychtoŭcy takich hruntoŭnych vydańniaŭ, jak “Historyja biełaruskaha mastactva”, “Archiealohija Biełarusi” i “Historyja Biełarusi” ŭ šaści tamach.
Kansultavaŭ encyklapedyju “Archiealohija i numizmatyka Biełarusi” i Encyklapedyju historyi Biełarusi.
Dla papularyzacyi biełaruskaj historyi Michaś Čarniaŭski napisaŭ niekalki knih dla padletkaŭ “Z hłybiń tysiačahodździaŭ”, “Strała Rasamachi”, “Vohniepakłońniki”, “Dziesiać bitvaŭ”.
Letaś Michaś Čarniaŭski vypuściŭ dźvie novyja knihi «Jak pošuh małanki» i zbornik uspaminaŭ i dakumentaŭ «Nia bojciesia achviaraŭ i pakut». Knihi raspaviadajuć pra Miadzielska-smarhonskaje moładzievaje padpolle (1947—1950) i jaho kiraŭnika Raścisłava Łapickaha (1928—1950).
«Naša Niva» paśla vydańnia hetych knih brała interviju ŭ Michasia Čarniaŭskaha.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary