Školnik sa Śvietłahorska atrymaŭ vosiem z pałovaj hadoŭ za prodaž narkotykaŭ
Dziesiacikłaśnik adnoj sa škoł u Śvietłahorsku trapiŭ u pole zroku pravaachoŭnikaŭ za nabyćcio, zachoŭvańnie i zbyt narkotykaŭ.
U kancy śniežni 2014 h milicyja zatrymała niepaŭnaletniaha padletka ŭ momant, kali jon pieranosiŭ asabliva niebiaśpiečny psichatrop u pačku z-pad cyharet dla prodažu. Była zaviedziena kryminalnaja sprava za nabyćcio, zachoŭvańnie i zbyt asabliva niebiaśpiečnych psichatropaŭ ŭ bujnym pamiery.
Vosiem z pałovaj hadoŭ 17-hadovy padletak praviadzie ŭ vychavaŭčaj kałonii. U chodzie sudovaha śledstva jon nie pryznaŭ svaju vinu.
Asudžany pražyvaŭ z adnoj maci, jakaja, jak heta niaredka byvaje, šmat pracuje, kab padtrymlivać peŭny materyjalny ŭzrovień svajoj siamji. I ŭ svajoj zaniataści, jak jana sama pryznałasia na sudovym słuchańni, nie zaŭsiody mieła dastatkova času, kab kantralavać syna.
Prysud nie ŭstupiŭ u siłu, moža być abskardžany i apratestavany va ŭstanoŭlenym zakonam paradku.
Kamientary