Z 22 sakavika da 12 krasavika ŭ Kijevie festyval niezaležnaj kultury.
Z 22 sakavika da 12 krasavika ŭ Kijevie budzie prachodzić festyval sučasnaj biełaruskaj kultury «Biełaruskaja viasna». Festyval adbudziecca u druhi raz, i sioleta budzie ŭklučać vuličny performans, kinapakazy (u tym liku premjernyja), viečar biełaruskaj fłeš‑animacyi, vystavu fatazdymkaŭ i ŚMI Biełarusi, kruhły stoł medyja‑menedžeraŭ, kancert etna‑hurtoŭ i ŭkrainska‑biełaruskuju litaraturnuju viečarynu.
«Niahledziačy na toje, što biełarusy jość najbolš rodnasnym da ŭkraincaŭ narodam, nam amal ničoha nie viadoma pra biełaruskuju kulturu», — kaža kaardynatar festyvalu Alaksandar Dziemčanka (Oleksandr Diemčienko).
Lahatypam festyvalu staŭ padvodny čovien koleraŭ nacyjanalnaha ściahu Biełarusi — bieły, čyrvony j bieły. Hety vobraz pazyčany ź pieśni hurtu NRM, lehiendy biełaruskaha roku. Arhanizatary nadajuć jamu asablivaje značeńnie, bo «Biełaruskaja viasna 2008» — heta pahłybleńnie ŭ niespaznanyja hłybini biełaruskaj kultury, jakaja schavanaja pad toŭstym słojem kliše dy stereatypaŭ.
Haściami festyvalu stanuć kinarežyser Antoś Cialežnikaŭ, scenaryst Alaksandar Kačan, multyplikatarka j pradusarka Volha Kuźmič, etna‑hurty Džambibum i Nahual, a taksama biełaruskija piśmieńniki, žurnalisty j vydaŭcy, siarod jakich Andrej Chadanovič, Andrej Skurko, Uładzimier Arłoŭ, Maryja Martysievič, Viera Burłak i inšyja.
Z padrabiaznaj prahramaj možna paznajomicca na sajcie festyvalu
-
Paźniak prezientavaŭ knihu «Vilenščyna lubimaja i pryŭkrasnaja». Tam jość navat vieršy pa-francuzsku
-
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia
-
U nastupnuju subotu ŭ Vilni projdzie Siamiejny biełaruska-litoŭski fest ź litscenaj
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary