U apošni tydzień sakavika dobraha nadvorja ŭ našaj krainie nie pradbačycca, a čakajecca naadvarot viartańnie chaładoŭ. Nia vielmi ciopła budzie i ŭ pieršaj dekadzie krasavika.
U apošni tydzień sakavika dobraha nadvorja ŭ našaj krainie nie pradbačycca, a čakajecca naadvarot viartańnie chaładoŭ, — paviedamiŭ načalnik słužby hidrameteaprahnozaŭ Respublikanskaha hidrametcentru Dźmitryj Rabaŭ.
Siaredniasutačnaja temperatura za 17 dzion sakavika skłała ad plus 1 da 6,6 hradusa ciapła, što na 5—5,5 punkta vyšej za klimatyčnuju normu ŭ pieršym miesiacy viasny. Taki ciopły pačatak sakavika sustrakajecca raz u 15—20 hadoŭ. Adnak u apošniuju dekadu sakavika terytoryju Biełarusi buduć turbavać atlantyčnyja cyklony, jakija pryniasuć choład i mokry śnieh. Unačy budzie ad 0 da 6 marozu, udzień — 1—7 hradusaŭ ciapła. Krychu ciaplej budzie tolki ŭ hetyja vychadnyja, kali ŭnačy čakajecca kala 0, a ŭdzień ad 2 da 8 hradusaŭ ciapła. Nia vielmi ciopła budzie i ŭ pieršaj dekadzie krasavika, ad minus 4 da plus 3 hradusaŭ nočču, udzień 2—7 ciapła, mokry śnieh i doždž.
U druhoj dekadzie krasavika zavitaje i sapraŭdy viesnavaja chvala ciapła. Temperatura pavietra ŭnačy ad 0 da plus 5 hradusaŭ, udzień — 7—12 ciapła. U apošnija dni treciaj dekady krasavika temperatura pavietra ŭnačy pavialičycca da 3—8 hradusaŭ ciapła, udzień — prykładna da plus 13—18 hradusaŭ. Uvohule siaredniamiesiačnaja tempieratura ŭ krasaviku čakajecca na ŭzroŭni plus 4—7 hradusaŭ.
Sioleta ŭ Eŭropie siaredniehadavy ŭzrovień temperatur budzie krychu nižejšym, čym u apošnija hady. Razam z tym sioleta ajčynnyja synoptyki prahnazujuć davoli śpiakotnyja peryjady letam, kali temperatura pavietra ŭ lipieni budzie trymacca na praciahu dekady na ŭzroŭni kala 30 hradusaŭ ci navat bolš.
Kamientary