Viciebski abłasny sud razhledzić spravu pra abrazu ŭ internet-čacie «Pajšła preč, viedźma!»
U internet-čacie žycharka Navapołacka nazvała surazmoŭnicu viedźmaj i była aštrafavanaja sudom horada. Abhruntavana ci nie, vyznačyć vyšejstajačaja instancyja paśla Novaha hoda, paviedamiła karespandentu BiełTA pres-sakratar Viciebskaha abłasnoha suda Natalla Płatonienka.
Zakonnaść i abhruntavanaść vyniesienaj 14 śniežnia sudom Navapołacka pastanovy pa spravie ab administracyjnym pravaparušeńni pa art.9.3 KaAP Biełarusi buduć pravierany ŭ sudzie druhoj instancyi 13 studzienia.
Novapałačanka była aštrafavanaja na Br360 tys. za toje, što ŭ asabistaj pierapiscy ŭ sacyjalnaj sietcy nazvała inšuju žančynu viedźmaj.
Surazmoŭnicy asabista nie znajomyja, ale inicyjatarka pierapiski adpraviła apanientcy paviedamleńnie nastupnaha źmiestu: «Kali surjozna chvarejuć dzieci — značyć, Boh karaje baćkoŭ. Zadumajciesia». Na što atrymała adkaz: «Pajšła preč, viedźma!»
Skrynšot hetaj hutarki raźlacieŭsia pa sacyjalnych sietkach. I pakryŭdžanaja źviarnułasia ŭ milicyju z zajavaj. Sud vyrašyŭ, što adkazčyca naŭmysna ŭ nieprystojnaj formie abraziła surazmoŭnicu, pryniziŭšy jaje honar i hodnaść u nieprystojnaj formie.
Kamientary