Jaŭhien Šyhałaŭ abvinavačvajecca ŭ złoŭžyvańni ŭładaj abo słužbovymi paŭnamoctvami.
 Jaŭhien Šyhałaŭ |
15 krasavika staršyni savieta dyrektaraŭ Handlovaha centra «Ždanovičy» Jaŭhienu Šyhałavu vystaŭlena abvinavačańnie va ŭčynieńni złačynstva, praduhledžanaha č. 3 art. 424 Kryminalnaha kodeksa (złoŭžyvańnie ŭładaj abo słužbovymi paŭnamoctvami). Pra heta BiełaPAN paviedamili ŭ MUS Biełarusi.
Vystaŭlena taksama abvinavačańnie jašče adnoj asobie, jakaja prachodzić pa hetaj spravie, skazaŭ surazmoŭca ahienctva.
Nahadajem, Ja.Šyhałaŭ byŭ zatrymany 5 krasavika. Biźniesmien utrymlivajecca ŭ śledčym izalatary № 1 na vulicy Vaładarskaha ŭ Minsku.
Jak paviedamiŭ 9 krasavika kiraŭnik MUS Uładzimir Navumaŭ, razam ź Ja.Šyhałavym zatrymany jaho namieśnik i dziaržaŭny čynoŭnik, jaki zajmajecca pytańniami vydzialeńnia ziamielnych učastkaŭ pad budaŭnictva.
Handlovy centr «Ždanovičy» byŭ stvorany ŭ 1993 hodzie. Siońnia jon uklučaje: charčovy centr; rečavy rynak; kompleks «Śviet mody»; aŭtamabilny rynak; rynak budaŭničych materyjałaŭ; zoabataničny rynak (maje dźvie placoŭki); handlovy haradok «Labiažy»; načny płodaaharodninny aptovy kirmaš; miasakambinat «Tarasava» (zaharadnaja vytvorčaść); šmatuzroŭnievy Handlovy kompleks «GRAD»; muziej «Naša spadčyna» (u paviljonie «Budaŭničaja vystava»); fizkulturna‑azdaraŭlenčy kompleks (u vioscy Tarasava); sielhaspradpryjemstva TAA «Handlovy dom «Ždanovičy‑Ahra» (zaharadnaja vytvorčaść).
Kamientary