Žury abrała inšaha vykanaŭcu, ale pieravažyli hałasy hledačoŭ.
Śpiavačka Džamała pajedzie ad Ukrainy na sioletniaje «Jeŭrabačańnie» ŭ Stakholmie. I jaje vystup budzie mieć palityčnaje hučańnie.
Na finalnym adbory ŭdzielnikaŭ nie abyšłosia biez haračych sprečak sudździaŭ. Ich było troje: Andrej Daniłka (Vierka Siardziučka), pradziusar Kanstancin Mieładze i eks-pieramožca Jeŭrabačańnia Rusłana.
Mieładze numar Džamały raskrytykavaŭ za scenahrafiju i kaścium. Praŭda, jon pryznaŭ, što vakał u śpiavački biezdakorny. Zatoje krymskuju tatarku abaraniała Rusłana. Jana, u svaju čarhu, aburyłasia z nahody adsutnaści ŭkrainskich elemientaŭ u pieśni i vystupleńni dueta «Nuangels». A jašče naniesła litaralna ŭdar nižej pojasa SunSay, paprasiŭšy jaho patłumačyć, čamu jon u ciažkija dla Ukrainy hady vystupaŭ u Rasii.
Varta adznačyć, što va Ukrainie sudździ publična i časam doŭha, nie pa papiercy, a ź impravizacyjami abmiarkoŭvajuć vartaści i słabinki piesień. Heta mocna adroźnivaje ŭkrainski adbor ad biełaruskaha.
U vyniku treciaje miesca žury addało SunSay, Džamała atrymała druhoje, a na pieršaje niečakana vyjšaŭ hurt «The Hardkiss».
Hledačy ž, naadvarot, pastavili «The Hardkiss» na druhoje miesca, a Džamału — na pieršaje. Jana i pajedzie z Stakholm sa svajoj baładaj-płačam «1944».
U Džamały mahutny vakał, a ŭ svaju pieśniu jana ŭkłała ŭsiu dušu.
***
Ukrainskaja śpiavačka naradziłasia ŭ siamji krymskaha tataryna i armianki. Viadomaść Džamale prynios konkurs «Novaja chvala 2009», jaki prachodziŭ u Jurmale, dzie jana atrymała hran-pry.
32-hadovaja artystka śpiecyjalna dla nacadboru napisała pieśniu «1944», na jakuju jaje natchniŭ apovied prababuli. Mienavita z hetym hodam źviazany samyja ciažkija ŭspaminy ŭ jaje siamji.
Havorka idzie pra hvałtoŭnuju departacyju krymskatatarskaha naroda.
Adznačajecca, što ŭdzieł u finalnym hałasavańni pryniali bolš za 300 tysiač čałaviek, što źjaŭlajecca rekordam dla adboračnych konkursaŭ «Jeŭrabačańnia» va Ukrainie.
-
«Mnohija nie viedajuć, što my biełarusy». Muzyki ź Sierabranki zaśpiavali pa-francuzsku i stali zorkami
-
Žonka Kańje Uesta ŭ nadta śmiełym naradzie i mascy koški prahulałasia pa centry Tbilisi pad ručku z mužam FOTAFAKT
-
Jakija čysta biełaruskija žanry možna znajści na najbolš poŭnaj muzyčnaj karcie śvietu?
Kamientary