Eks-palitviazień Mikałaj Statkievič i lidar RHA «Pierśpiektyva» Anatol Šumčanka zajavili, što źbirajucca pravieści ŭ Minsku Marš pradprymalnikaŭ. Siońnia jany prynieśli zajaŭku na praviadzieńnie maršu ŭ Minharvykankam.
Akcyja maje prajści 14 sakavika (paniadziełak) pa vulicy Surhanava: ad Akademii navuk da płoščy Banhałor.
Šumčanka zajaviŭ, što ŭłada moža vyrašyć prablemu — pajści na sastupki IPešnikam.
U toj ža čas na pytańnie karespandenta «NN», čamu jon nie pryjšoŭ na akcyi pradprymalnikaŭ 15 i 22 lutaha, Šumčanka adkazaŭ, što tady zdałosia, što ŭłady išli na sastupki, «tamu my vyrašyli prybrać radykalizm».
Mikałaj Statkievič zaznačyŭ, što kali ŭłady nie dazvolać akcyju 14 sakavika, to jon budzie zaklikać hramadzian na Dzień Voli 25 sakavika.
Nahadajem, što pradprymalniki ładzili ŭ Minsku 15 i 22 lutaha mitynhi na Kastryčnickaj płoščy. Pieršaja akcyja sabrała da 800 čałaviek, druhaja — kala 300 čałaviek. U ich uziali pieravažna IP z rehijonaŭ. Indyvidualnyja pradprymalniki dabivajucca admieny ŭkazu №222, jaki ŭvodzić abaviazkovuju siertyfikacyju tavaraŭ.
U hetu niadzielu, 28 lutaha, maje prajści treciaja akcyja.
Kamientary