Niepracujučamu 22-hadovamu žycharu Pinska vystaŭlenaje abvinavačańnie ŭ zabojstvie svajho adnahodka, paviedamiła aficyjny pradstaŭnik Śledčaha kamiteta Bresckaj vobłaści Maryna Drańkova.
Trahiedyja adbyłasia ŭnočy 15 lutaha ŭ Pinsku. Cieła 22-hadovaha žychara vioski Pinkavičy, u jakoha było nažavoje ranieńnie hrudnoj kletki, znajšli ŭ aŭtamabili minaki. Pobač znachodziŭsia jaho 20-hadovy adnaviaskoviec z paškodžanaj tazaściehnavaj arteryjaj. Paciarpieły byŭ špitalizavany ŭ reanimacyju, ciapier jaho zdaroŭju ničoha nie pahražaje.
Pa dadzienym fakcie Pinskim mižrajonnym adździełam Śledčaha kamiteta raspačatyja dźvie kryminalnyja spravy pa č.1 art.139 (zabojstva), č.1 art.14, p.1 č.2 st.139 (zamach na zabojstva dvuch asob) KK. Pa padazreńni ŭ ździajśnieńni złačynstva zatrymany 22-hadovy pinčuk, ahulny znajomy paciarpiełych.
U chodzie śledstva vyjaŭlena, što niaparedadni zdareńnia paciarpiełyja pasvarylisia ŭ bary z žycharami Pinska 1994 i 1993 hadoŭ naradžeńnia (abodva raniej ździajśniali rabavańni). Vyśvietlić adnosiny maładyja ludzi pajechali na aŭtamabili ŭ dvary damoŭ u spalny mikrarajon. Dapamahčy razabracca z kryŭdzicielami zahinuły paklikaŭ svajho pryjaciela. Pry sabie ŭ maładoha čałavieka byŭ nož. Matyvy, pa jakich złamyśnik udaryŭ im svaich znajomych, vyśviatlajuć śledčyja.
U momant bojki padśledny byŭ pjany. Jon nidzie nie pracuje, raniej pryciahvaŭsia da kryminalnaj adkaznaści za kradziež, niezakonny abarot narkatyčnych rečyvaŭ i chulihanstva. Chłopiec źmieščany pad vartu, jamu pradjaŭlena abvinavačańnie.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami9
Kamientary