Studentka ekanamičnaha fakulteta BDU Alena Kuranava raspracavała prajekt pa stvareńni cuda-kapsuły dla adnaŭleńnia bijałahičnaha patencyjału arhanizma, paviedamili ŭ Biełdziaržuniviersitecie.
Źniešnie rełaks-kamiera budzie pradstaŭlać nievialiki boks, stvorany ź lohkaha porystaha budaŭničaha materyjału — kieramzitu. Dla jaho vyrabu vykarystoŭvajecca ajčynnaja syravina.
Boks dazvolić čałavieku na praciahu paŭhadziny adnavicca paśla napružanaha pracoŭnaha dnia. Tut možna pamierać cisk i puls, vypić čystaj vady, uklučyć śvietłamuzyku. Padajecca pavietra, uzbahačanaje kisłarodam. Praduhledžanaja mahčymaść padklučeńnia da internetu. «Takaja forma adpačynku asabliva aktualnaja dla studentaŭ, jakija ŭ pierapynkach pamiž zaniatkami zmohuć azdaravicca, a adna z funkcyj boksa dazvolić navat prasłuchać lekcyju», — skazała Alena Kuranava.
Prajekt byŭ pradstaŭleny na vystavie «100 idej dla Biełarusi» ŭ Minsku. Jon zacikaviŭ inviestaraŭ ź Biełarusi i Vienhryi. Studentka abrała prapanovu inviestara ź Minska. U pierśpiektyvie miarkujecca, što kapsuły buduć ustanoŭlenyja ŭ šmatludnych miescach, u tym liku ŭ supiermarkietach i haradskich parkach.
Padobnyja ślip-boksy raspaŭsiudžanyja za miažoj, asabliva ŭ Kitai, Japonii. Ich košt — ad $12 tysiač da $60 tysiač.
Kamientary