Łarysa Hrybalova naradziła treciaje dzicia. Pryčym 29 lutaha
Siońnia 42-hadovaja śpiavačka naradziła dziaŭčynku. Vaha — 3200 h.
Łarysa Hrybalova z mužam i dziećmi. Fota gribaleva.by.
— Nu vy dajacie, mianie tolki ŭ pałatu pryvieźli, — hołas u Łarysy ščaślivy, ale stomleny. — U mianie dziaŭčynka, vaha 3200, rost 52 sm… Naradziła mienš za hadzinu nazad, a 8 viečara. Ja tak chacieła daciahnuć da viasny, ale nie atrymałasia. Jak nazaviem — pakul całkam biez paniaćcia. Treba ŭ muža spytać, my ž jak zvyčajna, da apošniaha ciahniem. I na jaki dzień budziem zapisvać — pakul taksama nie viedaju. Napeŭna, jak jość — 29 lutaha… Heta ž tolki mianie mahło tak paščaścić — naradzić u dzień, jaki byvaje raz u čatyry hady!
— Arsieniju chaciełasia bracika, a Alisie — siastryčku. Atrymlivajecca, Alisa pieramahła. Jana vielmi lubić maleńkich dziaciej. U muža jość siastra, a ŭ jaje dvoje dziaciej. Alisa sama moža ich pakłaści spać, knižki čytaje. I navat kali jany zasynajuć — dačytvaje kazku da kanca. Bo, jak Alisa nas zapeŭnivaje, u śnie dzieci taksama čujuć. Spadziajusia, u mianie budzie niańka choć by na pieršy čas.
— Adčuvaješ roźnicu pamiž ciažarnaściami tady i ciapier?
— Raniej mianie nie prymušali stolki pa daktarach chadzić. A ciapier pastajanna čuju frazu «ŭzrostavyja ryzyki» — ale ja ŭpeŭnienaja, što ŭsio ŭ mianie dobra. Bolš za ŭsio pieražyvała maja mama. U hady jaje maładości ŭ 25 užo było zamuž pozna — a tut dačka ŭ 42 naradžać sabrałasia. Mama skazała: para nami, starymi, zajmacca, a nie naradžać. Praŭda, jana vydatna siabie adčuvaje ŭ svaje 70. Niadaŭna pamyła ŭsie vokny ŭ maim domie! Jaje biessensoŭna spyniać — kali ŭžo vyrašyła ŭskapać aharod, to jana heta zrobić. I vielmi zadavolenaja saboj, kajfuje ad pracy. Zaraz my žyviom razam, i heta dla mianie vialikaja dapamoha.
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
-
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny
Kamientary