Novy ŭkaz stavić pad pytańnie pracu ŭ Biełarusi Skajpa i Vajbiera?
Dziaržava ŭzmacniaje kantrol za IP-telefanijaj.
Ukazam prezidenta ad 15 sakavika 2016 hoda № 98 «Ab udaskanaleńni paradku pieradačy paviedamleńniaŭ elektrasuviazi» stvarajecca «sistema procidziejańnia parušeńniam paradku propusku trafiku na sietkach elektrasuviazi».
Na sajcie Nacyjanalnaha pravavoha partała dajecca karotkaje tłumačeńnie dakumienta. Pavodle jaho, biełarusam «zabaraniajecca vykarystoŭvać prahramnyja i techničnyja srodki … dla pieraŭtvareńnia pratakoła abmienu dadzienymi … z vykarystańniem abanienckich numaroŭ, jakija nie naležać abanientu».
Kali ŭsio ž karystalnik sprabuje parušyć novyja praviły, pravajdar musić zabłakavać trafik telefanii pa IP-pratakołu.
Apieratyŭna-analityčny centry pry prezidencie, jaki budzie kaardynavać novaŭviadzieńnie, pakul nie kamientuje ŭkaz.
Vyhladaje, što sutnaść ukaza mienavita ŭ dadatkovym kantroli za IP-telefanijaj ci navat jaje abmiežavańni abo zabaronie. Što heta za technałohija? Pa joj, naprykład, pracujuć takija papularnyja prahramy, jak «Vajbier» i «Skajp».
Raniej «Biełtelekam» zaklikaŭ da ŭkaranieńnia zamiest ich svajoj prahramy, «Maksifon». Jana pracuje pa tym ža pryncypie, «pryviazvajučy» akaŭnt karystalnika da stacyjanarnaha numaru telefona.
Minimalistyčny sens, jaki moža być zakładzieny va ŭkaz, — zmahańnie z machlarami, jakija ŭzłomvajuć čužyja numary i akaŭnty. Tady novaŭviadzieńnie nijakim čynam nie zakranie šarahovych karystalnikaŭ.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary