Žanr: bajavik, tryler
Režysior: Babak Nadžafi
U rolach: Džerard Batler, Aaran Ekchart, Morhan Fryman, Ałan Adutbuł, Valid Zuejtar, Adel Bienšeryf, Machdzi Dechbi.
ZŠA, Vialikabrytanija, Bałharyja, 100 chv.
Adznaka: 5.
Siužet razhortvajecca ŭ Łondanie, dzie premjer-ministr Vialikabrytanii pamiraje pry zahadavych abstavinach. Jaho pachavańnie patrabuje abaviazkovaj prysutnaści lidaraŭ Zachodniaha śvietu. Ale samaje abaronienaje mierapryjemstva pieratvarajecca ŭ bojniu — u niebiaśpiecy najmacniejšyja suśvietnyja lidary. Pakistanski teraryst arhanizuje zmovu, kab adpomścić za śmierć svajoj siamji, zabitaj amierykanskim dronam. Tolki try čałavieki mohuć heta spynić: prezident ZŠA Biendžamin Ešer, strohi načalnik jaho achovy Majk Beninh i ahient brytanskaha MI-6.
Film źjaŭlajecca sikviełam «Padzieńnia Alimpa» (2013), dzie ahient Majk Beninh supraćstajaŭ karejskamu terarystu. Sikvieł źmianiŭ režysiora, im staŭ iraniec Babak Nadžafi, uładalnik «Załatoha miadźviedzia» — uznaharody Bierlinskaha kinafiestyvalu.
Kamanda prajekta i akciorski skład zastalisia takija samyja. Rolu advažnaha achoŭnika vykanaŭ Džerard Batler («Zakonapasłuchmiany hramadzianin» (2009), «Bahi Jehipta» (2016)), a prezidenta ZŠA — Aaran Ekchart («Ciomny rycar» (2008), «Ja, Frankienštejn» (2013)).
U roli śpikiera Pałaty pradstaŭnikoŭ ZŠA źniaŭsia ŭładalnik «Oskara» Morhan Frymien. Palityčny bajavik uražvaje chiba što scenami epičnych razbureńniaŭ Łondana — jaho samych viadomych krajavidaŭ. Situacyja štučna nakalajecca za košt taho, što nibyta sam prezident ZŠA vymušany chavacca ad niebiaśpieki i bicca z terarystami pad achovaj adnaho, samaha śmiełaha sa svaich achoŭnikaŭ, Majka.
Adnak ambitny siužet nie vyciahvaje ahulnaj panyłaści filma.
Kamientary