Kab ucichamiryć pjanych debašyraŭ, pamiežnikam pryjšłosia prymianić tabielnuju zbroju i kajdanki. Incydent na biełaruska-polskaj miažy ŭ punkcie propusku «Damačava» adbyŭsia ŭviečary 25 sakavika.
Kampanija maładych ludziej - žychary Bresckaj vobłaści - prybyli z-za miažy na aŭtamabili «Reno». Dla afarmleńnia kiroŭca vybraŭ zialony kalidor. Padčas pamiežnaha kantrolu dvoje pasažyraŭ ź vidavočnymi prykmietami ałkaholnaha apjanieńnia ŭsialak pieraškadžali pamiežnikam u vykanańni słužbovych abaviazkaŭ, nie reahujučy na zaŭvahi. Kali transpartny srodak adpravili ŭ boks dla pahłyblenaha nadhladu, maładyja ludzi akazali supraciŭ słužbovaj asobie, pieraškadžali ruchu transpartu.
Sucišyć chulihanaŭ pryjšłosia papieradžalnym strełam, paśla čaho na ich nadzieli kajdanki. Supracoŭniki Bresckaha RAUS, jakija prybyli na miesca zdareńnia dla razboru, praviali parušalnikaŭ pahraničnaha režymu ŭ izalatar časovaha ŭtrymańnia. U dačynieńni da debašyraŭ raspačaty administracyjny praces za niepadparadkavańnie zakonnamu rasparadžeńniu ci patrabavańniu słužbovaj asoby pry vykanańni im słužbovych paŭnamoctvaŭ, a taksama parušeńnie režymu ŭ punkcie propusku.
-
U Minsku ŭ 72‑hadovaha piensijaniera znajšli patrony, porach i vintoŭku z hłušycielem
-
U Naroŭli na pažary zahinuli 73‑hadovaja piensijanierka i dvoje jaje praŭnukaŭ — 5‑hadovaja dziaŭčynka i 10‑hadovy chłopčyk
-
U Čerykaŭskim rajonie mikraaŭtobus sutyknuŭsia ź lesavozam. Zamiest mašyny kuča mietałałomu, kiroŭca zahinuŭ
Kamientary