Muzyki zajavili, što na svaim solnym kancercie 22 krasavika ŭ Minsku ŭ miežach prajektu «Žyvy Tuzin» syhrajuć tyja pieśni, jakija abiruć ich prychilniki.
Napiaredadni vystupu ŭ kłubie «ILI», Akute prapanavali słuchačam samim vyrašać, jakija pieśni na im prahučać. Vyznačeńnie «narodnaha set-lista» budzie prachodzić takim čynam: da 12 krasavika kožny achvočy moža nazvać da piaci piesień hurta, jakija abaviazkova choča pačuć. Usie prapanovy buduć uklučanyja ŭ hałasavańnie. Pa jaho vynikach 15 trekaŭ, što nabiaruć bolšaść hałasoŭ, abaviazkova ŭvojduć u set-list kancertu.
Vakalist Akute Stas Mytnik pryznajecca, što niekalki jaho samych ulubionych piesień hurta jašče nie čutyja inšymi. Jany ŭvachodziać u novy albom, nad jakim ciapier idzie praca. A z užo viadomych, Stas vyłučaje «Ź nieba nie dastać», «Cicha, jak maja śmierć», «Tvaje anioły». Aŭtar bolšaści tvoraŭ, basist hurta Raman Žyharaŭ nazvać peŭnyja pieśni nie biarecca: «Za ŭvieś čas sabrałasia vialikaja kolkaść tvoraŭ. Samaje krutoje, što mnie nie soramna ni za adnu ź ich. Tamu, z adnolkavym zadavalnieńniem ja hraju absalutna ŭsie našyja pieśni», – zaznačyŭ muzyka.
Svaje prapanovy pa pieśniach možna pakidać na staroncy padziei.
Solny kancert Akute projdzie ŭ miežach prajektu «Žyvy Tuzin», jaki ładzić partał Tuzin.fm pry infarmacyjnaj padtrymcy kampanii «Budźma biełarusami!».
22 krasavika (piatnica). 19:00. Kłub ILI (pr-t Niezaležnaści, 131/1). Hurt Akute z prahramaj «Najlepšyja pieśni». Košt kvitka (tolki tancplac) — 180 000 (papiarednie), 200 000 (u dzień, pry najaŭnaści). Infa: +375 29 687-20-93. Papiarednie kvitki možna nabyć ŭ kłubie ILI (pr-t Niezaležnaści, 131/1), u punktach prodažu pa Minsku i anłajn
Kamientary