Tydzień budzie daždžlivy, ale tempieratura zastaniecca vyšej za normu
Na hetym tydni zachavajecca niaŭstojlivaje i daždžlivaje nadvorje. Samymi daždžlivymi buduć čaćvier i piatnica.
Fota Julii Balcevič
Pra heta raspavioŭ načalnik słužby hidramietearałahičnych prahnozaŭ Respublikanskaha hidramietcentra Dźmitryj Rabaŭ.
Niahledziačy, na toje, što pachaładała i siaredniaja tempieratura pavietra paniziłasia, jana ŭsio roŭna zastaniecca vyšej za normu na 3—4°S.
U aŭtorak, 12 krasavika, umovy nadvorja na terytoryi Biełarusi ŭ asnoŭnym budzie vyznačać vobłaść panižanaha atmaśfiernaha cisku. Miescami projduć karotkačasovyja daždžy, dniom mahčymy navalnicy. Tempieratura ŭnačy ad + 2°S pa poŭnačy da + 9°S pa poŭdni krainy; dniom +10 + 16°S, u paŭdniova-ŭschodnich rajonach +17 + 19°S.
U nastupnyja dni nadvorje budzie vyznačać aktyŭny atmaśfierny front, jaki budzie pieramiaščacca praź Biełaruś z poŭdnia na poŭnač i pryniasie na bolšuju častku terytoryi daždžy, miescami mocnyja daždžy, u asobnych rajonach navalnicy. Tempieratura nočču +4 + 11°S, dniom +10 + 17°S, pa paŭdniovym uschodzie da + 19°S.
U piatnicu kraina budzie znachodzicca ŭ vobłaści panižanaha atmaśfiernaha cisku, daždžy na bolšaj častcy spyniacca i projduć miescami, dniom mahčymy navalnicy. Nočču i ranicaj u asobnych rajonach tuman. Tempieratura nočču +1 + 8°S, pry prajaśnieńniach, u asnoŭnym pa poŭnačy, 0 — -2°S; dniom +8 + 15°S, pa poŭdni miescami +16 + 17°S.
U vychodnyja nadvorje istotna nie źmienicca.
Kamientary