Hreka-katoliki pamolacca za a. Alaksandra Nadsana ŭ hadavinu jaho śmierci
15 krasavika spaŭniajecca hod z dnia naradžeńnia dla Nieba hreka-katalickaha śviatara, jaki staŭ duchoŭnym pravadnikom i natchnialnikam mnohich biełarusaŭ va ŭsim śviecie — ajca Alaksandra Nadsana.
U hety dzień va ŭsich biełaruskich hreka-katalickich parafijach vierniki pamolacca za a. Alaksandra Nadsana i zhadajuć jaho vielizarny ŭniosak u adradžeńnie Biełaruskaj Hreka-Katalickaj Carkvy, dziaržaŭnaści i kultury Biełarusi.
***
Ajciec Alaksandr Nadsan naradziŭsia ŭ Haradziei (Niaśvižski rajon). Skončyŭ Niaśvižskuju nastaŭnickuju sieminaryju. Z kanca červienia 1944 h. — u emihracyi. Z vosieni 1944 h. — u polskaj armii Andersa (u składzie Brytanskich uzbrojenych sił). Prymaŭ udzieł u bajavych dziejańniach na poŭnačy Italii, byŭ paranieny.
Z 1946 h. — u Vialikabrytanii. Skončyŭ matematyčny fakultet Łondanskaha ŭniviersiteta.
Z vosieni 1953 h. vučyŭsia ŭ Rymie ŭ Hrečaskaj kalehii (duchoŭnaja sieminaryja dla katolikaŭ uschodniaha abradu). 23 listapada 1958 h. atrymaŭ preźbiterskaje paśviačeńnie.
U lipieni 1959 h. viarnuŭsia ŭ Łondan. Z 1961 h. — kiraŭnik biełaruskaj škoły imia Kiryły Turaŭskaha ŭ Łondanie.
Z 1971 h. — kiraŭnik Biełaruskaj biblijateki-muzieja imia F. Skaryny, z 1981 h. — kiraŭnik Biełaruskaj katalickaj misii ŭ Vialikabrytanii.
Z kanca 1980-ch hh. — Apostalski vizitatar dla biełarusaŭ-katolikaŭ u zamiežžy. Kiraŭnik Kamiteta dapamohi achviaram radyjacyi, aŭtar niekalnich knih pa historyi Biełarusi. Hanarovy doktar Jeŭrapiejskaha humanitarnaha ŭniviersiteta.
Kamientary