Uładzimier Bieražkoŭ nie vyklučaje sychodu z žurnalistyki.
Takim čynam, najbujniejšamu spartovamu vydańniu krainy hazecie «Priessboł» akredytacyja nie była viernutaja. Hazetu pazbavili dvuch miescaŭ na Alimpijadzie 28 lutaha na vykankamie NAK. Aficyjnaj pryčynaj staŭ artykuł medalistki Alimpijskich hulniaŭ u bijatlonie Śviatłany Paramyhinaj «Alimpijskaja śmietnica».
«Priessboł» arhanizavaŭ akcyi salidarnaści ŭ svaju padtrymku, za viartańnie akredytacyi vystupiła sto viadomych biełaruskich spartoŭcaŭ, pieramožcaŭ i medalistaŭ Alimpijad i čempijanataŭ śvietu. Ale takija zachady nijak nie paŭpłyvali na rašeńnie čynoŭnikaŭ z NAK.
«Hetaje pytańnie zakrytaje dla ministra Hryharava, ale nie dla nas. Liču, što technična viarnuć nam akredytacyju pa‑raniejšamu mahčyma. Budziem zmahacca za svaje pravy», — kaža hałoŭny redaktar «Priessboł» Uładzimier Bieražkoŭ.
Bieražkoŭ taksama paćvierdziŭ svaje raniejšyja słovy, što ŭ tym vypadku, kali hazeta tak i nia viernie akredytacyju, to jon sydzie z žurnalistyki.
Kamientary