Suśvietnaja zorka opiernaj sceny Nadzieja Kučar upieršyniu daść solny kancert «Dzień biełyx xryzantem» u Minsku. Vystup mieŭ adbycca 3 maja ŭ kancertnaj zale «Vierxni horad». Za fartepijana — Daša Maroz. Adnak z pryčyny chvaroby śpiavački vystup pieraniesieny na 8 červienia.
U prahramie «Dzień biełyx xryzantem» prahučać pieśni i ramansy Albana Bierha, Fierenca Lista, Siarhieja Raxmaninava i Piatra Čajkoŭskaha.
Paśla kancerta ŭ Minsku Nadzieja Kučar vykanaje takuju ž prahramu ŭ Łondanie, a vosieńniu vystupić užo z arkiestram u Sankt-Pieciarburhu.
Nadzieja Kučar ŭ 2015 hodzie ŭpieršyniu ŭ historyi Biełarusi stała pieramožcam mižnarodnaha konkursu opiernych śpievakoŭ Bi-Bi-Si ŭ Kardyfie «Śpiavak śvietu». Nadzieja źjaŭlajecca dziejučaj salistkaj opiernaha teatra ŭ Piermi, kudy jaje zaprasiŭ dyryžor Teador Kurentzis. U 2012 hodzie za hałoŭnuju rolu ŭ opiery «MiedejaMateryjał» Paskala Dziusapena jana atrymała «Załatuju masku», a ŭ 2015 hodzie stała ŭładalnicaj jašče adnoj «Załatoj maski» u naminacyi «Opiera — žanočaja rola» za partyju Donny Isabel ŭ opiery Hienry Piersieła «Karaleva indziejcaŭ».
U 2010 hodzie Nadzieja vystupiła z kancertam u Piekinie, z taho času śpiavačka pastajanna vystupaje na samyx viadomych suśvietnych teatralnyx i kancertnych placoŭkach.
U sakaviku-krasaviku Nadzieja zaniataja ŭ roli hrafini ŭ Tułuzie, dzie staviać «Viasielle Fiharo» V.A. Mocarta, letam jana ŭdzielničaje adrazu ŭ dźviuch pastanoŭkach ŭ Santjaha (Čyli), a zatym jaje čakaje sieryja kancertaŭ u Rasii.
Biełaruskaja pijanistka Daša Maroz źjaŭlajecca łaŭreatam mižnarodnych muzykalnyx konkursaŭ, viadzie aktyŭnuju hastrolnuju i vykładčyckuju dziejnaść u Biełarusi, u Aŭstryi, Bielhii, Charvatyi, Polščy, Litvie, Šviejcaryi i Ukrainie. Biełaruskaj publicy Daša Maroz viadomaja jak udzielnik sumiesnych prajektaŭ z takimi muzykami jak Arciom Šyškoŭ, Jaŭhien Vidanaŭ i Taćciana Starčanka.
Kamientary