Orhan łukašenkaŭskaha chołdynhu «Litaratura i mastactva» źmiaściŭ vielmi krytyčnyja artykuły pra novyja knihi Viktara Šnipa i Ludmiły Rubleŭskaj.
Orhan łukašenkaŭskaha chołdynhu «Litaratura i mastactva» źmiaściŭ vielmi krytyčnyja artykuły pra novyja knihi Viktara Šnipa i Ludmiły Rubleŭskaj.
Žanna Kapusta abvinavaciła aŭtara knihi «Strała kachańnia, lubovi kryž» u «adnastajnaści». Svaju dumku spn.Kapusta arhumentuje tym, što ŭ vieršach Šnipa začasta paŭtarajecca vobraz Chramu. Pryvodzicca ažno piać prykładaŭ ź vieršaŭ, dzie hetaje słova paŭtarajecca z zahałoŭnaj litary.
Akramia taho, niekatoryja «tematyčnyja paraleli» ŭ tvorčaści spadara Šnipa krytyk znachodzić «vypadkovymi» j «niedarečnymi». Naprykład, pryvodzicca ŭryvak ź dziciačych uspaminaŭ aŭtara i vierš, jaki idzie adrazu paśla:
- Ty płakaŭ, śmiajaŭsia — ty žyŭ.
Ty bačyŭ Chrysta na kryžy…
«Uźnikaje… pytańnie: «Što chacieŭ skazać aŭtar?», na jakoje ja nie znajšła adkazu», — kaža krytyk. «Mnie zdajecca, — zaviaršajecca artykuł, — što paety, jakija majuć imia ŭ litaratury — a V.Šnip takoje imia maje, — pavinny mieć bolšuju adkaznaść pierad čytačom».
V.Šnip jość hałoŭnym redaktaram dziaržaŭnaha vydaviectva «Mastackaja litaratura», a ŭ minułym kiravaŭ samoj hazetaj «LiM», tamu krytyka na jahony adras moža być nie vypadkovaj.
Źviarnuła ŭvahu, što niadaŭna ŭ hazecie źjaviŭsia artykuł z krytykaj knihi Ludmiły Rubleŭskaj, žonki sp.Šnipa i ahladalnicy hazety «Sovietskaja Biełoruśsija».
Niadaŭna kiraŭnik aficyjnaha Sajuzu piśmieńnikaŭ Čarhiniec vystupiŭ z krytykaj «vorahaŭ dziaržavy», što pranikli ŭ piśmieńnickija arhanizacyi i padrychtavali «niačesny» śpis sacyjalna značnaj litaratury. Chadzili taksama čutki pra kanflikt Čarhinca z redaktaram «Sovietskoj Biełoruśsii» ŭ baraćbie za ŭpłyvy.
Varta adznačyć, što ŭ łukašenkaŭskich vydańniach nikoli nie publikujucca krytyčnyja vodhuki pra tvorčaść asobaŭ, što znachodziacca ŭ favory. Tak, tvorčaść samoha hien.Čarhinca na hetym histaryčnym etapie znachodzić vyklučna pazytyŭny pryjom, jaje zaŭždy bačać raznastajnaj i darečnaj.
Kamientary