Biełarus Alaksiej Hros pieršy ŭ estradnym konkursie na «Słavianskim bazary», ale Adam z Kazachstana adstaje ŭsiaho na 2 bały
Pa vynikach dvuch kancertnych dzion finału XXV Mižnarodnaha konkursu vykanaŭcaŭ estradnaj pieśni «Viciebsk-2016» biełaruski śpiavak Alaksiej Hros zachavaŭ lidarstva.
Na druhim kancercie jon praśpiavaŭ pieśniu «It's My Life» hurta «Bon Jovi». Za vykanańnie hetaha chita žury dało biełarusu na 3 ački mienš, čym u pieršy dzień. Takim čynam, Hros zmoh nabrać 157 bałaŭ u ahulnym zaliku.
Nastupnyja čatyry lidary, u adroźnieńnie ad biełaruskaha vykanaŭcy, pad fanahramu «-1» praśpiavali lepš, čym z arkiestram i ŭ druhi dzień atrymali bolš vysokija bały.
Adam z Kazachstana, vykonvajučy suśvietny chit, nabraŭ 78 ačkoŭ, a sumie za dva dni - 155, i, takim čynam, jon adstaje ad Alaksieja Hrosa za ŭsio na 2 bały.
Italjanka Eleanora Viekjo pa vynikach dvuch dzion stała treciaj z 149 bałami, a ŭ Hanny Adabiesku z Małdovy 148 ačkoŭ, tak što dźviuch śpiavačak padzialaje ŭsiaho adno ačko.
Pakul intryha zachoŭvajecca, što vyrašyć žury — nieviadoma, bo roźnica adryŭ Alaksieja Hrosa ad Adama minimalny. Adnak, u 2012 hodzie hran-pry było prysudžana Bobanu Majsoŭski, jaki taksama atrymaŭ usiaho na dva bały bolš, čym śpiavačka z Łatvii Samanta Cina.
Kamientary