U viosku Vialikaja Maščanica Białynickaha rajona paśla vyzvaleńnia z kalonii viarnulisia dva čałavieki, jakija raniej abvinavačvalisia ŭ zabojstvie siamji z šaści čałaviek. Ale adkazu na hałoŭnaje pytańnie – chto zabiŭ viaskovuju siamju, u tym liku i dvoje dzietak – dahetul niama.
U noč 1 červienia 2005 hoda adbyłosia žudasnaje złačynstva ŭ Vialikaj Maščanicy. A praź dzień užo byli zatrymanyja šeść maładych ludziej va ŭzroście ad 18 da 24 hadoŭ z hetaj vioski. Piaciora ź ich byli abvinavačanyja ŭ zabojstvie. Rasśledavańnie pa spravie ciahnułasia amal paŭtary hady, adzinaccać miesiacaŭ išoŭ sudovy praces u Mahiloŭskim abłasnym sudzie pad staršynstvam sudździ Michaiła Mielnikava. U vyniku sudovaha razhladu prakuror zapatrabavaŭ dla dvuch padazravanych vyklučnuju mieru pakarańnia – rasstreł. Jašče dla troch čałaviek – pažyćciovaje źniavoleńnie.
Adnak 2 listapada 2007 hoda sudovaja kalehija Mahiloŭskaha abłasnoha suda ŭsim hetym chłopcam u suviazi ź niedakazanaściu viny vyniesła apraŭdalny prysud. Adzin z padsudnych – Alaksandr Klepča – byŭ vyzvaleny z-pad varty ŭ zale suda. Astatnija byli pakaranyja terminami źniavoleńnia ad 4 da 10 hadoŭ za inšyja złačynstvy: kradziažy dy zhvałtavańnie. U lutym 2008 hodu adbyłosia pasiadžeńnie Viarchoŭnaha suda RB, jaki całkam zaćvierdziŭ prysud Mahiloŭskaha abłasnoha suda.
I voś u vyniku abvieščanaj u minułym hodzie amnistyi 20 traŭnia byŭ vyzvaleny z-pad varty ŭ Aršanskaj kałonii Hienadź Sałaŭjoŭ, a 23 traŭnia – z Babrujskaj kałonii Siarhiej Juškievič. Abodva adrazu ž pryjechali da baćkoŭ u Vialikuju Maščanicu. Adnaho ź ich u svoj čas prakuror patrabavaŭ prysudzić da rasstrełu, druhoha – da pažyćciovaha źniavoleńnia.
Dahetul niama adkazu na hałoŭnaje pytańnie – chto zabiŭ viaskovuju siamju z šaści čałaviek, u tym liku dvuch małych dzietak. Tym časam novyja zorki na pahony za hety čas paśpieła atrymać amal usio kiraŭnictva Białynickaha RAUS. Jak kažuć ludzi, – za toje, što ŭ svoj čas imhnienna vykonvali luby zahad byłoha staršyni rajvykankama Alaksandra Iljanava, jaki zaraz sam znachodzicca pad vartaj.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy6
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary