Supracoŭniki HUBAZ nie dali mahčymaści patencyjnamu bajcu terarystyčnaj hrupoŭki ID vylecieć u Turcyju. Pra heta paviedamili siońnia ŭ efiry telekanała «Biełaruś 1».
Pra toje, što z Nacyjanalnaha aeraporta Minsk u Turcyju pavinien vylecieć bajavik, apieratyŭnikam padkazali rasijskija kalehi. Jak vyśvietliłasia, raniej zavierbavany 27-hadovy žychar Maskvy prajšoŭ śpiecnavučańnie ŭ łahiery dla padrychtoŭki členaŭ «Isłamskaj dziaržavy».
Minsk u maršrucie patencyjnaha člena ID značyŭsia ŭ jakaści tranzitnaha horada. Adsiul małady čałaviek płanavaŭ vylecieć u Stambuł.
«Heta nie pieršy padobny vypadak, prosta ŭ ich uźnikajuć prablemy pry vylecie z Rasijskaj Fiederacyi, i jany pryjazdžajuć na terytoryju Biełarusi, kab vylecieć pa maršrucie Minsk—Stambuł. Dla nastupnaj pierapraŭki na terytoryju Siryi», — prakamientavaŭ apieratyŭny supracoŭnik.
Budzie vyrašacca pytańnie ab vysyłcy na radzimu zatrymanaha rasijanina. U dačynieńni da jaho pravodzicca pravierka. Rasijski bok piśmova paćvierdziŭ, što padazravany maje niepasrednaje dačynieńnie da terarystaŭ ID.
Kamientary