Adzin viektarny fajł na małaviadomym sajcie, jaki zrabiŭ vyšyvankavuju revalucyju ŭ Biełarusi
Piša Pavieł Biełavus.
Raskažu vam historyju pra adzin viektarny fajł na adnym nieviadomym sajcie, jaki zrabiŭ vyšyvankavuju revalucyju ŭ Biełarusi.
Taksama heta historyja, jak łahatyp #symbalby źjaviŭsia na formie futbolnaj zbornaj Biełarusi. Možacie nie vieryć, ale heta fakt.
Moj znajomy Pavel Shut hady try tamu stvaryŭ biełaruskamoŭny sajt spampavac.by, dzie časam publikavaŭ cikavyja rečy dla spampoŭvańnia. Niejak ja tam ubačyŭ publikacyju, dzie prapanoŭvalisia viektarnyja malunki ź biełaruskim arnamientam. Jon sam ich admalavaŭ, dy jašče zrabiŭ infu, jak samastojna ŭ ilustratary vymaloŭvać uzory.
Kali ja z Ilya Shyla i Kiryl Kalbasnikau pačaŭ rabić sajt symbal.by, to jakraz zoračku, jakaja stała našym łahatypam, i firmovy patern prapanavaŭ dyzajnieru ŭziać adtul.
Kali ŭźnikła ideja zrabić cišotki z arnamientam (vyšymajki), to dla ich arnamient ja taksama prapanavaŭ Francišak Viačorka vybrać tam.
Dy i ŭsim, chto šukaŭ uzory ŭ viektary, zaŭsiody davaŭ hetuju spasyłku.
Paźniej, nabor hetych uzoraŭ možna było ŭbačyć na raznastajnych rečach i ŭ afarmleńni roznych tavaraŭ. Pahladzicie, hetyja arnamienty, tam nie šmat, vy dakładna bačyli.
Usio vielmi prosta. Dyzajnieram patrebnyja dla pracy i dalejšaha druku viektarnyja fajły, samim malavać ź pieršakrynic lanota. Šukajuć u internecie, a prapanoŭ mienavita biełaruskich uzoraŭ mała (mahu jašče ŭzhadać prajekt Maryna Rusia Šukiurava ornaments.shuma.by, tam taksama jość viektar), tamu i vykarystoŭvajuć toje, što znachodziać.
Našaja biełaruskaja ŭdača ŭ tym, što Pavieł Šut aličbavaŭ i vykłaŭ dla ahulnaha karystańnia ŭdałyja i pryhožyja biełaruskija bieł-čyrvonyja arnamienty, jakija sapraŭdy padabajucca i ludziam, i dyzajnieram.
Voś hetaja publikacyja na nieviadomym sajcie ź viektarnymi fajłami arnamientu, jakuju za try hady prahladzieła i spampavała ŭzory bolš za 50 tysiač čałaviek.
Heta sapraŭdy histaryčnaja spasyłka dla Biełarusi, jakaja dała šturšok mnie, šmatlikim inšym ludziam i prajektam.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary