Jašče adnym zatrymanym FSB tak zvanym «dyviersantam z HUR» apynuŭsia uradženiec Lvoŭskaj vobłaści, žychar Jeŭpatoryi, jaki pracavaŭ u budaŭničaj śfiery.
41-hadovy Zachciej Andrej Ramanovič rodam z horada Barysłaŭ Lvoŭskaj vobłaści, dzie na jaho ŭ 2006 hodzie było zarehistravana pryvatnaje pradpryjemstva «Jeŭra-płastbud».
Na jaho staroncy ŭ Facebook ukazana, što ciapier jon žyvie ŭ Jeŭpatoryi. Miarkujučy pa ŭsim, u apošni čas jon nie znachodziŭ pracu ŭ Krymie — jaho reziume raźmieščana na sajtach pa pošuku budaŭničaj pracy ŭ Maskvie i Padmaskoŭi, paviedamlaje Centr žurnalisckich rasśledavańniaŭ.
«Vykonvajem ramonty kvater i pamiaškańniaŭ, mietałakanstrukcyi, budaŭnictva AZS u Maskvie i vobłaści. Jość staž pracy načalnikam budaŭničaha ŭčastka, prarabam, majstram azdobnych rabot. Pražyvaju ŭ Adzincovie. Prymajem zakazy ŭ Krymie», — havorycca ŭ abjavie ab pošuku pracy na sajcie «Poisk mastiera.ru».
Miarkujučy pa apublikavanych fota, a taksama paznačanych pad imi hieatehach, Zachciej u apošni čas, sapraŭdy, byŭ na zarobkach u Rasii i pražyvaŭ u Adzincovie.
U sacyjalnaj sietcy Vkontaktie na svajoj staroncy Zachciej ukazaŭ, što zajmajecca «dapamohaj u afarmleńni rasijskaha hramadzianstva dla žycharoŭ blizkaha zamiežža i krain byłoha SSSR».
Andrej Zachciej ažaniŭsia ŭ 2015 hodzie, u jaho jość maleńkaje dzicia.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary