Prezident Rasii Uładzimir Pucin dapuściŭ, što Rasija i Japonija zmohuć znajści kampramis u terytaryjalnaj sprečcy vakoł Kuryłaŭ pry roście ŭzroŭniu davieru z Tokia.
Ab hetym kiraŭnik rasijskaj dziaržavy paviedamiŭ u intervju ahienctvu Bloomberg u čaćvier napiaredadni sustrečy z premjeram Japonii Sindza Abe na Uschodnim ekanamičnym forumie va Uładzivastoku.
«Havorka nie idzie pra niejki abmien, pra niejkija prodažy, havorka idzie ab pošuku vyrašeńnia, pry jakim nivodny z bakoŭ nie budzie adčuvać siabie ni pieramožanym, ni prajhraŭšym», - skazaŭ Pucin.
Jon padkreśliŭ, što Rasija «nie handluje terytoryjami». U toj ža čas, adznačyŭ Pucin, «nam by vielmi chaciełasia z našymi japonskimi siabrami znajści vyrašeńnie hetaj prablemy». «I kali my damožamsia takoha ž vysokaha ŭzroŭniu davieru ź Japonijaj», jak i z Kitajem, to «možam znajści niejkija kampramisy», adznačyŭ jon.
Kamientary