Cyrymonija ŭhanaravańnia premijaj imia Ježy Hiedrojca projdzie ŭ sieradu, 12 kastryčnika ŭ mienskim hateli «Renesans», paviedamiŭ siabra kamiteta premii Andrej Chadanovič. Pačatak a 19-j hadzinie.
Siarod pretendentaŭ na premiju ŭ šort-list trapili knihi «Taŭściła i lešč» Andreja Adamoviča, «Pračnucca rankam u svajoj krainie» Valancina Akudoviča, «Biełaja mucha, zabojca mužčyn» Alhierda Bachareviča, «Ruch» Alesia Paškieviča, «Šmat Česłava Miłaša, krychu Ełvisa Preśli» Tani Skarynkinaj i «Zaviaršyć hieštalt» Maksa Ščura.
U skład žury ŭvajšli Ihar Babkoŭ, Andžej Bžeziecki, Siarhiej Dubaviec, Małhažata Nocuń, Ludmiła Rubleŭskaja i Hanna Jankuta.
Premija imia Ježy Hiedrojca ŭručajecca z 2012 hodu. Papiarednija pieramožcy: Pavał Kaściukievič z knihaj «Zbornaja RB pa niehałoŭnych vidach sportu» (2012), Uładzimier Niaklajeŭ z knihaj «Aŭtamat z haziroŭkaj z syropam i biez» (2013), Ihar Babkoŭ z knihaj «Chvilinka: Try historyi» (2014), Viktar Kaźko z knihaj «Čas źbirać kości» (2015).
Kamientary