Minskija mytniki znajšli pavukoŭ u paštovym adpraŭleńni, jakoje 22 kastryčnika było dastaŭlena avijapoštaj u łahistyčny centr pa apracoŭcy mižnarodnych paštovych adpraŭleńniaŭ ŭ Nacyjanalny aeraport Minsk, paviedamili ŭ pres-słužbie Mytnaha kamitetu Biełarusi.
Supracoŭnikaŭ mytni «Minsk-2», jakija ažyćciaŭlali apieracyi mytnaha kantrolu mižnarodnych paštovych adpraŭleńniaŭ vyklikaŭ uvahu niezvyčajny hruz, supravadžalnyja dakumienty na jaki ŭtrymlivali dziŭny zapis: «Pavuki. Košt — $1».
U pasyłcy słužbovyja asoby mytni znajšli piać płastmasavych słoikaŭ i try kołby, u jakich znachodzilisia žyvyja pavuki, zahornutyja ŭ survetki i prysypanyja ziamloj. Zychodziačy z paznak na bankach i kołbach, u ich znachodzilisia pavuki-ptuškajedy: Phormictopus auratus, Psalmopoeus irminia, Acanthoscurria geniculate, Heteroscodra maculate i inšyja.
Pakolki pierasyłka ŭ mižnarodnych paštovych adpraŭleńniach žyvych žyvioł zabaronienaja ŭ adpaviednaści z artykułam 18 Suśvietnaj paštovaj kanviencyi i Zaklučnym pratakołam Suśvietnaj paštovaj kanviencyi, a taksama artykułam 313 Mytnaha kodeksa Mytnaha sajuza, pa vyjaŭlenym fakcie mytniaj «Minsk-2» pravodzicca pravierka.
Kamientary