Ministru pa spravach mihracyi Bielhii Tea Frankienu pahražaje kanfiskacyja majomaści z-za jaho paśladoŭnych admoŭ dać prytułak u krainie siryjskaj siamji. Raniej try sudovyja instancyi paćvierdzili, što siamja z Alepa zasłuhoŭvaje prytułku, adnak Frankien rašeńnie sudoŭ praihnaravaŭ, paviedamlaje VVS.
U paniadziełak ministr vykłaŭ u fejsbuku svaju fatahrafiju ŭ pustym pakoi. Podpis da jaje abviaščaŭ, što ŭsiu meblu z ofisa zabrali sudovyja prystavy, bo Frankien nie vykanaŭ rašeńnie suda.
«Z meblaj ci biez — my praciahniem pracavać», — zajaviŭ ministr.
Paźniej pradstaŭnik ministra rastłumačyŭi, što heta byŭ žart i meblu ŭ Frankiena pakul nie zabrali, chacia takaja pahroza isnuje i papiaredžańnie ab mahčymym vopisu majomaści było ŭručanaje Frankienu jašče ŭ paniadziełak.
Sud pryznačyŭ Frankienu štraf u pamiery 4450 dalaraŭ u dzień za nievykanańnie rašeńnia sudoŭ nižejšaj instancyi ab pradastaŭleńni prytułku siamji z Alepa, u jakoj jość svajaki ŭ Bielhii.
Franku ihnaruje rašeńnie suda śviadoma: raniej jon zajaŭlaŭ, što suviaź siamji ź Bielhijaj niedastatkova vidavočnaja i jon nie budzie davać siamji prytułak, tamu što heta «adkryje dźviery chaosu mihracyi».
Pamier štrafu, pa śćviardžeńni samoha ministra, užo vyras prykładna da 30 tys jeŭra. Jak paviedamiła pradstaŭnica Frankiena, jaho viedamstva padało apielacyi suprać štrafu i suprać rašeńnia, jakoje abaviazvaje ministra dać prytułak siryjskaj siamji.
Ciapier čytajuć
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary