Na rasijskim telekanale «Źviezda», zasnavalnikam jakoha źjaŭlajecca Ministerstva abarony Rasii, była pakazanaja prahrama «Praces», pryśviečanaja Biełarusi. Pieradača nazyvałasia «Maskva—Minsk. Razam biez kryŭdaŭ».
Farmat «Pracesu» — dyjałoh ekśpiertaŭ i viadučaj Nadany Frydrychsan. Hości stajać vakoł stała pa trojkach, ale nijakaha vyraznaha padziełu pa ich pazicyjach niama.
Spačatku abmiarkoŭvali ekanamičnyja roznahałośsi Biełarusi i Rasii, paśla — padłaščvańnie Łukašenki da Jeŭropy — i, narešcie, finansavańnie zachodnimi śpiecsłužbami apazicyi i hramadskich arhanizacyj.
Chto ž razmaŭlaŭ pra adnosiny Rasii i Biełarusi?
Dyrektar Instytuta JeŭrAzES, kiraŭnik Fondu ekanamičnych daśledavańniaŭ, žurnalist z Čechii, ahladalnik «Sputnika», daradca frakcyi ŭ Dziaržaŭnaj dumie…
Dačynieńnie da Biełarusi majuć chiba što ŭradženiec Słonima Dźmitryj Bałkuniec, dyrektar Centra pa pracy z vypusknikami Vyšejšaj škoły ekanomiki, a taksama Juryj Barančyk (były rabotnik Akademii kiravańnia, zastanavalnik sajta «Impieryja») i Kirył Aviarjanaŭ-Minski (ruski nacyjanalist, jakomu zabaronieny ŭjezd u Biełaruś).
Admietna, što nivodzin ekśpiert ź Biełarusi ŭ efir nie pryjechaŭ.
Kiraŭnik Centra stratehičnych i zamiežnapalityčnych daśledavańniaŭ Arsień Sivicki vystupiŭ praź videasuviaź, ale ŭdziełu ŭ dyskusii nie braŭ.
Nahadajem, pradstaŭniki «Źviazdy» źviartalisia z prapanovaj ab udziełu i da «Našaj Nivy».
Važny momant prahramy — cytavańnie «Kłuba redaktaraŭ», u jakim staršynia BT Hienadź Davydźka začytvaŭ vytrymki z artykuła «Našaj Nivy» «Chto choča zrabić ź Biełarusi Zachodniuju Rasiju».
«U hety «śpis vorahaŭ naroda» patrapili tyja, chto vystupaje za zbližeńnie Rasii i Biełarusi. Ja nie razumieju, jakija heta jany vorahi biełaruskaha naroda? Jak uvohule heta vyjšła ŭ druk», — aburyłasia viadučaja tok-šou telekanała «Źviezda».
Kamientary