U najbližejšyja dni biełaruskaja delehacyja na čale z sustaršyniom biełaruska-venesuelskaj sumiesnaj kamisii vysokaha ŭzroŭniu Viktaram Šejmanam nakirujecca ŭ Karakas.
U najbližejšyja dni biełaruskaja delehacyja na čale z sustaršyniom biełaruska-venesuelskaj sumiesnaj kamisii vysokaha ŭzroŭniu Viktaram Šejmanam nakirujecca ŭ Karakas.
Jak paviedamiŭ pasoł Venesueły ŭ Biełarusi Ameryka Dyjas Nuńjes, vizyt arhanizavany pa inicyjatyvie biełaruskaha boku. Urad Biełarusi maje namier prapanavać šerah prajektaŭ. Venesuelski dyplamat udakładniŭ, što nie vałodaje infarmacyjaj ab źmieście prajektaŭ. Pavodle słoŭ Ameryka Dyjasa Nuńjesa, zaplanavany sustrečy ź ministram enerhietyki i nafty, ministram zamiežnych spraŭ, vice-prezydentam krainy, a taksama prezydentam Venesueły Uha Čavesam. Vizyt pradoŭžycca kala tydnia.
Varta zaznačyć, što paśla zaviaršeńnia vizytu ŭ Miensk Uha Čavesa V.Šejman zajaviŭ: «Prapracoŭvajucca pytańni ab ažyćciaŭleńni novych pastavak biełaruskaj techniki ŭ Vieniesuełu».
Nahadajem, što ŭ traŭni Interpoł paćvierdziŭ sapraŭdnaść noŭtbuka z elektronnym listom lidera kalumbijskich partyzanaŭ, u jakim toj havoryć, što venesuelski prezydent Uha Čaves sprabuje ŭzbroić kalumbijskich paŭstancaŭ z dapamohaj Biełarusi.
Hišpanskaja El Pais śćviardžała, što najlepšym siabram kalumbijskich partyzanaŭ moh akazacca ŭžo były dziaržaŭny sakratar Rady biaśpieki Viktar Šejman. Mienavita jon byŭ adnym z tych, chto prabivaŭ padpisanyja letaś kantrakty na pastaŭku zbroi ŭ Venesuełu na 720 młn eŭra.
Kamientary