Incydent adbyŭsia niepadaloku ad Maskvy ź ciahnikom 003B Maskva — Brest, jaki adpraŭlaŭsia z rasijskaj stalicy ŭ 22:03.
«U ciahnik 003 Maskva — Brest, u jakim ja na dadzieny momant znachodžusia, — ŭrezałasia elektryčka, — piša pasažyrka ciahnika «Ukantakcie». — Ja siadžu ŭ apošnim vahonie. Nas tak mocna skałanuła, što ja vylecieła z kresła. Ja cełaja. Ale pravadnica skazała, što napieradzie vahony lažać. Elektryčka harmonikam»
U vyniku zdareńnia paciarpieli 15 čałaviek.
Achviaraŭ było mała, bo ciahnik nie paśpieŭ razahnacca.
Vinavatym u incydencie spačatku nazvali pjanaha mužčynu, jaki staŭ pierachodzić šlachi ŭ nienaležnym miescy pierad nadychodziačaj elektryčkaj. Mašynist elektryčki prymianiŭ ekstrannaje tarmažeńnie, u vyniku čaho sastaŭ pakaciŭsia nazad i začapiŭ ciahnik Maskva—Brest, jaki prachodziŭ pobač.
U toj ža čas słovy pasažyraŭ dapaŭniajuć viersiju ab techničnaj niaspraŭnaści.
— Byŭ u elektryčcy hetaj padčas sutyknieńnia. Spačatku spynilisia, nie dajechaŭšy da stancyi Kuncava. Chvilin 15—20 mašynisty vyrašali prablemu, pryčym usie pieramovy išli pa hučnaj suviazi. Stała zrazumieła, što admovili tarmazy… Ciahnik pakaciŭsia pad uchił u advarotnym kirunku ruchu. Usie łamanulisia da pieršaha vahona… Mašynist niekalki razoŭ papiaredziŭ: trymajciesia. Ciahnik nabraŭ prystojnuju chutkaść. Potym bac — i ŭdar. Tych, chto stajaŭ na nahach, pavaliła na padłohu. Sutyknulisia z spadarožnym ciahnikom dalokaha nakiravańnia, jon, mabyć, stajaŭ na miescy… — raspavioŭ rasijskamu sajtu «Łajfńjus» mužčyna.
MNS Rasii apublikavała śpis pasažyraŭ, špitalizavanych paśla sutyknieńnia ciahnika «Maskva — Brest» z elektryčkaj na zachadzie rasijskaj stalicy. Z 15 čałaviek, jakija apynulisia ŭ lakarniach, siamiora da ranicy byli vypisanyja, šaściora znachodziacca ŭ stanie siaredniaj stupieni ciažkaści. Stan jašče dvaich pasažyraŭ ŭdakładniajecca.
Voś śpis paciarpiełych:
Dziciačaja haradskaja kliničnaja balnica № 9:
TKAČENKA Illa Andrejevič, 16 hadoŭ, traŭmy siaredniaj stupieni ciažkaści;
SULAJMANAVA Viktoryja Rafaeljeŭna, 16 hadoŭ, traŭmy siaredniaj stupieni ciažkaści.
Haradskaja kliničnaja balnica № 71:
VAJCIUL Taćciana Valerjeŭna, 30 hadoŭ, traŭmy siaredniaj stupieni ciažkaści.
NDI imia N.V. Sklifasoŭskaha:
VAŁAŹNIOŬ Raman Leanidavič, 20 hadoŭ, vypisany;
SIELAŹNIOVA Ułada Iharaŭna, 45 hadoŭ, vypisanaja;
Pieršaja haradskaja balnica imia M.I. Pirahova
ŠYŠYKINA Natalla Siarhiejeŭna, 61 hod, traŭmy siaredniaj stupieni ciažkaści;
PARENSKAJA Dyjana Andrejeŭna, 26 hadoŭ, vypisanaja.
HKB imia S.P. Botkina:
NIKICINA Viktoryja Alaksandraŭna, 36 hadoŭ, traŭmy siaredniaj stupieni ciažkaści;
MICHAJŁAŬ Dźmitryj Mikałajevič, 39 hadoŭ, vypisany;
RYBAK Valancina Alaksiejeŭna, 66 hadoŭ, vypisanaja.
Haradskaja kliničnaja balnica № 67:
ZOTAŬ Siarhiej Alaksandravič, 28 hadoŭ, vypisany;
JUDZIENKA Alena Uładzimiraŭna, 50 hadoŭ, traŭmy siaredniaj stupieni ciažkaści;
ZYRAMAVA Śviatłana Alehaŭna, 55 hadoŭ, vypisanaja;
PADAKINA Śviatłana Viktaraŭna, 54 hady, stan ŭdakładniajecca.
NDI NDCHiT DZM:
RAŚCIMIEŠYNA Hanna Uładzimiraŭna, 16 hadoŭ, stan ŭdakładniajecca.
Kamientary