Redakcyja Arche radaja prezentavać doŭhačakanyja vydańni, što tolki vyjšli z druku.
Aleh Łatyšonak. Nacyjanalnaść — biełarus
U knizie biełaruskaha historyka ź Biełastoku sabranyja pad adnoju vokładkaju asnoŭnyja napisanyja im tvory, datyčnyja roznych pytańniaŭ biełaruskaje historyi ad sivoje staražytnaści j amal da našych dzion.
Jak zaznačaje sam aŭtar u pradmovie, jamu zdaŭna nie davała spakoju pytańnie «Adkul pajšła biełaruskaja ziamla?», i ŭ bolšaści tekstaŭ hetaha vydańnia jon imkniecca dać na jaho adkaz. Bolšuju častku knihi zajmaje fundamentalnaja praca «Ad biełych rusinaŭ da biełarusaŭ: la vytokaŭ biełaruskaj nacyjanalnaj idei», jakaja była habilitacyjnaju pracaju aŭtara, vyjšła drukam pa-polsku ŭ 2007 hodzie dy ŭpieršyniu pieradrukoŭvajecca pa-biełarusku ŭ hetaj knizie. Reštu vydańnia skłali raznastajnyja pavodle abjomu j žanru artykuły, pryśviečanyja narmanskamu čyńniku ŭ staražytnaj historyi Biełarusi, asobnym aspektam biełaruskaje historyi u čas jejnaha znachodžańnia ŭ składzie Vialikaha Kniastva Litoŭskaha, zaradžeńniu ŭśviadomlenaj biełaruskaj idei ŭ XIX st., niekatorym prablemam jejnaha dalejšaha raźvićcia j h. d.
Aleh Łatyšonak
historyk, prafesar Instytutu historyi j palityčnych navuk Biełastockaha ŭniversytetu, staršynia Biełaruskaha histaryčnaha tavarystva ŭ Polščy. U 2009—2010 hh. u Biełarusi vyjšli jahonyja knihi «Žaŭniery BNR», «Biełastok — Połacak», a taksama vydańnie, padrychtavanaje sumiesna ź Jaŭhienam Miranovičam — «Historyja Biełarusi ad siaredziny XVIII da pačatku XXI stahodździa».
Z 1997 hodu namieśnik staršyni Centra hramadzianskaj adukacyi Polšča-Biełaruś. U 2000 hodzie atrymaŭ adznaku «Zasłužany dziejač kultury». U 2008 hodzie adznačany Kavalerskim kryžam Ordenu Adradžeńnia Polščy.
Arche №1 (151) — 2017. Uvodziny ŭ Aŭstryju
Heta ŭžo druhi tematyčny vypusk «ARCHE», pryśviečany Aŭstryi. Tamu hetym razam układalniki zadali inšuju ramku dla adboru aŭtaraŭ i tekstaŭ. Za paraj drobnych vyniatkaŭ, u vypusk trapili tolki śviežyja teksty, napisanyja ciaham apošnich 10-15 hadoŭ, i tolki ŭ Aŭstryi.
Heta nadzvyčajna nasyčany žanrava j tematyčna vypusk:
tut pradstaŭlenyja j najlepšyja ŭzory sučasnaje aŭstryjskaje dramaturhii (Tomas Bernhard, «Płošča hierojaŭ»), prozy (Marlena Štreruvic, «Majakoŭskirynh», Klemens Jo. Zetc, «Kachańnie ŭ časie Malšteckaha dziciaci», Kataryna Ryze («Vilma vydaje zamuž svaju ŭnučku»), i vieršaŭ u prozie.
U vypusku taksama drukujucca hłybokija refleksii na temu aŭstryjskaje nacyjanalnaje identyčnaści, demahrafičnaha stanovišča dy historyi aŭstryjskaje litaratury.
Infarmacyja pra toje, dzie i jak šukać novyja vydańni, jość na sajcie Arche.
Ciapier čytajuć
Muzyka Cim Suładze: Roźnica 30 hadoŭ — toje, što adpaviadaje maim ujaŭleńniam pra adnosiny18
Kamientary