«Heta inicyjatyŭny i metanakiravany kiraŭnik» — dziaržaŭnyja ŚMI kinulisia ratavać imidž novaha rektara BDU Andreja Karala
Novym rektaram BDU staŭ hrodzieniec Andrej Karol. Toj samy, jaki nie maje dačynieńnia da hałoŭnaha ŭniviersiteta krainy, abaraniŭ piedahahičnyja dysiertacyi ŭ Rasii i dazvańnia vyčyściŭ usich apazicyjna nastrojenych vykładčykaŭ z Hrodzienskaha dziaržaŭnaha ŭniviersiteta.
«Paskudny čałaviek» ci «vydatny vybar»: čaho čakać ad novaha rektara BDU?
Krytyčnyja zaŭvahi paśla pryznačeńniaŭ takoha kštałtu źjaŭlajucca ŭ internecie davoli časta, ale ŭ situacyi z Karalom dziaržaŭnyja ŚMI vyrašyli pasprabavać palepšyć imidž rektara
«Litaralna na nastupny dzień siarod vodhukaŭ z hetaj nahody ŭ internecie stali źjaŭlacca i niehatyŭnyja: maŭlaŭ, pravodziŭ niasłušnuju kadravuju palityku, zvuziŭ praktyku prymianieńnia biełaruskaj movy ŭ VNU i hetak dalej», — pryznaje «Sovietskaja Biełoruśsija».
U jakaści pramoŭcaŭ u padtrymku Karala byli abranyja try čałavieki.
«U jakaści rektara univiersiteta prajaviŭ siabie inicyjatyŭnym i metanakiravanym kiraŭnikom. Usia praca z prafiesarskim składam abapirałasia na ahulnuju stratehiju raźvićcia, jakaja sumiesna i vypracoŭvałasia. Šmat uvahi jon nadavaŭ pavyšeńniu piedahahičnaha majsterstva vykładčyckaha składu. Pracavać ź im było cikava i plonna», — raskazaŭ pra Karala jaho namieśnik, prarektar pa vučebnaj pracy HrDU Hienadź Hačko.
«Mienavita dziakujučy Andreju Dźmitryjeviču stała mahčymym stvareńnie Navukova-technałahičnaha parku. Jon aktyŭna prasoŭvaŭ hetuju ideju, vynosiŭ na abmierkavańnie ŭ abłvykankam. Ahulnymi namahańniami raspracavana kancepcyja, pačaty ramont budynka, u jakim užo da kanca hoda raźmieściacca pieršyja rezidenty, a taksama navukoŭcy i studenty», — dadaŭ vykładčyk HrDU Alaksandr Vasilevič.
Stanoŭčaje mierkavańnie padmacoŭvaje mama vypusknicy Iryna Anikievič. Jaje dačka vučyłasia na fakultecie «Historyja, kamunikacyja i turyzm» — tym samym, jaki zamianiŭ saboj histaryčny fakultet. «Apošni hod Julija sumiaščała vučobu z pracaj va ŭniviersitecie. Vynikam takoj aktyŭnaści stała atrymańnie niekalkich prapanoŭ ab pracaŭładkavańni», — zapeŭniła mama.
Kamientary