Bubnač minskaha fołk-rok-hurta Re1ikt Alaksandr Dziemidzienka vypuściŭ videa, u jakim movaju muzyki pasprabavaŭ raspavieści pra samyja značnyja padziei z historyi Biełarusi.
«U kampazicyi «Naša Historyja» słuchač prachodzić šlacham stahodździaŭ ad časoŭ Połackaha kniastva da našych dzion, i ŭsio hetaje padarožža vyjaŭlajecca z dapamohaj składanych rytmaŭ i niezvyčajnych miełodyj. «Trek vyjšaŭ takim, jakimi, jak mnie padajecca, byli padziei biełaruskaj minuŭščyny: eklektyčnym dy poŭnym kantrastaŭ, — raspaviadaje muzyka. — Lohkija kavałki raptoŭna pierachodziać u intensiŭnyja i napružanyja, źmianiajuć adzin adnaho niestandartnyja pamiery».
Re1ikt — hurt, jaki cpałučaje tradycyjny biełaruski piesienny falkłor z aktualnymi rok-napramkami. Aproč standartnych elektrahitary, bas-hitary i bubnaŭ muzyki vykarystoŭvajuć šmat raznastajnych pierkusijnych instrumientaŭ: ratatomy, kachon, tamburyn, šejkiery, traščotku, darbuku, džembe dy inšyja. Kalektyŭ źjaŭlajecca ŭładalnikam šerahu muzyčnych uznaharod u Polščy i Biełarusi, vystupaŭ va Ukrainie, Litvie, Rasii.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary