Śledčaje ŭpraŭleńnie pa Minskaj vobłaści sumiesna z padraździaleńniami narkakantrolu MUS raskryli dziejnaść złačynnaj hrupy, jakaja na praciahu niekalkich hadoŭ zajmałasia bujnymi pastaŭkami makavaj sałomy va ŭsie rehijony Biełarusi dla vytvorčaści opiumnaha narkotyku, paviedamlaje Śledčy kamitet.
Abvinavačanymi pa kryminalnaj spravie pryznana šeść ŭdzielnikaŭ złačynnaj hrupy, 1978-1987 hadoŭ naradžeńnia. Usie jany — niepracujučyja asoby, jakija pražyvajuć u roznych abłaściach krainy, dvoje ź ich — raniej sudzimyja.
Makavaja sałoma dla kanśpiracyi źmiešvałasia z nasieńniem maku. Takim čynam hrupa prykryvałasia handlem nasieńniem maku dla vypiečki kandytarskich vyrabaŭ. Ahulnaja masa kanfiskavanaj va ŭdzielnikaŭ hrupy makavaj sałomy skłała piać ton.
Pa vynikach rasśledavańnia dziejańni ŭsich šaściarych abvinavačanych kvalifikavanyja jak niezakonny abarot narkatyčnych srodkaŭ u bujnym pamiery, hrupaj asob, asobami, raniej ŭčynili anałahičnyja złačynstvy (č. 3 art. 328: Kryminalnaha kodeksa Respubliki Biełaruś). Im pahražaje ad 10 da 15 hadoŭ pazbaŭleńnia voli.
Kamientary