Ułady samaabvieščanaj «ŁNR» vystupili siońnia z zajavaj, u jakoj havorycca pra toje, što kiraŭnik hetaha niepryznanaha ŭtvareńnia Ihar Płatnicki padaŭ u adstaŭku pa stanie zdaroŭja.
Adstaŭleny kiraŭnik «ŁNR» Ihar Płotnicki
«Paŭpłyvali šmatlikija bajavyja ranieńni, nastupstvy kantuzii. U adpaviednaści ź jahonym rašeńniem ja prystupaju da vykanańnia abaviazkaŭ kiraŭnika Respubliki najdalej da majučych adbycca vybaraŭ», — skazaŭ u telezvarocie jahony časovy pierajemnik Leanid Pasiečnik, dahetul ministr dziaržaŭnaj biaśpieki «ŁNR», a jašče raniej — kadravy aficer Słužby Biaśpieki Ukrainy.
«Ja taksama ad siabie zajaŭlaju pra svaju prychilnaść Minskim pahadnieńniam. Respublika paśladoŭna budzie vykonvać uziatyja na siabie ŭ adpaviednaści z hetymi pahadnieńniami abaviazacielstvy».
21 listapada centr Łuhanska byŭ pierakryty. Uzbrojenyja ludzi pasprabavali zachapić administracyjnyja budynki. Adpraŭleny raniej u adstaŭku z pasady kiraŭnika MUS «ŁNR» Ihar Karniet zajaviŭ, što praciahvaje vykonvać uskładzienyja na jaho abaviazki. Pavodle jahonych słoŭ, u kiraŭnictvie respubliki byccam by jość dyviersanty, jakija pracujuć pa ŭkazańni ŭkrainskich śpiecsłužbaŭ.
22 listapada na sajcie Płatnickaha byli apublikavanyja videaroliki, na jakich eks-kiraŭnik «ŁNR» zaklikaŭ skončyć ź situacyjaj vakoł Karnieta i jaho zajavaŭ. Płatnicki zajaviŭ pra sprobu pieravarotu ŭ «ŁNR» i biezzakońni ŭ Łuhansku. Paśla hetaha jaho bačyli ŭ Maskvie.
Kamientary