Alaksandr Łukašenka siońnia na sustrečy sa staršynioj Dziaržaŭnaha kamiteta sudovych ekśpiertyz Andrejem Šviedam raspavioŭ pra niadaŭni vypadak, kali dziakujučy jaho ŭdziełu ŭdałosia raskryć zabojstva minułych hadoŭ.
«Siońnia KDB nakiravaŭ mnie spravazdaču pa adnoj kryminalnaj spravie. Jana była niekalki hadoŭ tamu nazad. I mnie daviałosia asabista prymać rašeńnie dla taho, kab znoŭ viarnucca da kryminalnaj spravy, — raspavioŭ Łukašenka.
Pavodle jaho słoŭ, złačynstva było ździejśniena ŭ Mahiloŭskaj vobłaści. Pa dapamohu da jaho źviarnuŭsia baćka zabitaj.
- Pryjšoŭ i kaža: Alaksandr Ryhoravič, nu nie moža być, kab było tak, jak sud pryniaŭ rašeńnie, i tak, jak śledstva praviali.
Kiraŭnik dziaržavy ŭziaŭsia vyvučyć usie materyjały spravy, jakija prysłaŭ jamu baćka zabitaj dziaŭčyny.
«Ja sieŭ i sam za sutki vyvučyŭ spravu.
I daŭ kamandu prakuroru i staršyni KDB čaho b ni kaštavała rasśledavać hetuju kryminalnuju spravu. Złačyncu znajšli ŭ Rasii, pryvieźli ŭ Minsk, raspačali znoŭ kryminalnuju spravu, pačali rasśledavać. Pry tym ja kantralavaŭ uvieś hety praces. I vyśvietliłasia, što jon — zabojca. A jaho faktyčna apraŭdali», — raspavioŭ Łukašenka.
Jon taksama papiaredziŭ, što vinavatyja słužbovyja asoby buduć pakaranyja.
«Ciapier my z-pad ziamli dastaniem tych, chto vioŭ śledstva, chto vynosiŭ apraŭdalny prysud.
I bok abvinavačvańnia znojdziem. I my ź ich spytajem. Jon pryznaŭsia, pakazaŭ, jak i dzie zabivaŭ», — dadaŭ kiraŭnik dziaržavy.
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary