Dyzajnier Saša Čabataroŭ aryhinalna prailustravaŭ kradziež zbroi ŭ Baranavičach FOTA
Pracy minskaha dyzajniera Sašy Čabatarova stanoviacca ŭsio bolš i bolš papularnymi. Čamu? Jon prostaj ilustracyjaj možna patłumačyć sens luboj naviny, jakaja nie pakinuła mastaka raŭnadušnym abo adhuknułasia ŭ hramadstvie.
U Sašy jość telehram-kanał «Metamodernizm», dzie možna pabačyć ilustracyi na padziei, jakija zakranuli mastaka.
Siońnia dyzajnier prailustravaŭ navinu pra toje, što z vajskovaj častki ŭ Baranavičach vajskoŭcy vynosili sa składoŭ zbroju i pradavali jaje.
«Ilustracyja pra toje, što takimi tempami chutka zamiest bajavoj zbroi armija budzie abaraniać krainu z łukam i strełami, pałkami kapałkami», — raskryŭ sens ilustracyi dyzajnier.
«Ja reahuju na naviny jak luby čałaviek. Jość naviny, jakija mianie zakranajuć i ŭražvajuć mienš, inšyja — bolš. Časam padčas čytańnia prychodziać vizualnyja vobrazy i idei. I kali ja liču hetyja vobrazy hodnymi kab padzialicca, to maluju i publikuju. Śpiecyjalnaj sistemy ŭ hetym płanie niama. Heta čałaviečaja reakcyja.
A čamu mianie zakranuła navina pra kradziež zbroi ŭ armii? Nu heta ž rozumu niespaścižna, heta ž nadzvyčajnaje zdareńnie, jak heta naohuł mahčyma i dapuščalna?! Heta ž armija, tam ža ŭsio pavinna być dakładna, pradumana i bieź niedachopaŭ, a atrymlivajecca — vynoś što chočaš».
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?6
Kamientary