Videa, na jakim Nikałas Madura abiedaje ŭ adnym z samych darahich restaranaŭ Stambuła, vyklikała hnieŭ u jaho rodnaj Vieniesuele, jakaja pieražyvaje ciažki ekanamičny kryzis.
Na videa znakamity turecki kuchar Nusret Hiokče efiektna razrazaje miasa pierad Maduram i jaho žonkaj Silijaj Fłores u svaim restaranie Gokce's Nusr-Et ŭ Stambule.
Today I decided to stop following @nusr_ett You decided to erase this video but what you did remains. Shame on you! You cheered and served a tyrant responsable for the hunger, malnutrition and death of thousands of Venezuelans!
By the way, he is not a president. He is a dictator! pic.twitter.com/pddjPSEztO
Šef-kuchar Nusret Hiokče apublikavaŭ try videa pra vizit Madury ŭ «Instahramie», ale zatym vydaliŭ ich. Adnak mnohija karystalniki sacyjalnych sietak užo raspaŭsiudzili heta videa
Znakamity kuchar, jakoha prazvali Salt Bae za jaho asablivy sposab pasypańnia miasa sollu, na videa karcinna razrazaje kavałak miasa, absłuhoŭvajučy prezidenckuju paru. Čuvać, jak prezident Madura kaža: «Takoje byvaje adzin raz u žyćci».
Na inšych videa prezident Madura kuryć cyharu sa skrynki, na jakoj vyhraviravana jaho imia, a Silija Fłores trymaje futbołku z vyjavaj šef-kuchara.
Prezidenckaja para spyniłasia ŭ Stambule pa šlachu z Kitaja, dzie prezident sprabavaŭ pryciahnuć inviestycyi ŭ ekanomiku Vieniesueły.
U Vieniesuele pad uładaj Čavesa i Madura pačałasia inflacyja i tatalny deficyt.
Kamientary