U polskich miedyja aktyŭna abmiarkoŭvajuć niadaŭni sumiesny zdymak kiraŭnikoŭ ZŠA i Polščy Donalda Trampa i Andžeja Dudy. Fatahrafiju apublikavaŭ na svajoj staroncy ŭ tvitary amierykanski prezident, padpisaŭšy: «Siońnia dla mianie vialiki honar vitać prezidenta Polščy Andžeja Dudu ŭ Biełym domie».
Na zdymku prezidenty padpisvajuć sumiesnuju dekłaracyju ab stratehičnym partniorstvie ZŠA i Polščy, tolki Tramp heta robić siedziačy, a Duda stojačy.
Fotazdymak vyklikaŭ abureńnie siarod mnohich polskich palitykaŭ i hramadskich dziejačaŭ.
Były prezident Polščy Branisłaŭ Kamaroŭski zajaviŭ, što jamu soramna, i što takaja situacyja nie pavinna mieć miesca. Taksama jon asudziŭ Dudu za namier nazvać novuju bazu ZŠA ŭ Polščy «Fort Trump», bo bazy jašče niama i nieviadoma, ci źjavicca jana ŭvohule.
Śpiecyjalisty pa mižnarodnych adnosinach u efiry polskich miedyja taksama zajavili, što takoje padpisańnie dekłaracyi — parušeńnie dypłamatyčnaha pratakoła.
-
U Krymie miascovyja skardziacca nie tolki na deficyt paliva, ale i praduktaŭ
-
Pašynian prahałasavaŭ na parłamienckich vybarach u Armienii. Jon zajaviŭ, što nijakaj napružanaści z Rasijaj niama, a šlach da ES praciahniecca
-
Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
Kamientary