Pačaŭsia sud nad udzielnikami hulanki, na jakoj ad psichatropu zahinuła 19-hadovaja
4 žniŭnia 2018 hoda moładź sabrałasia ŭ kvatery Lery, kab adznačyć dzień naradžeńnia jaje chłopca. Na śviacie było vosiem čałaviek: čaćviarym spoŭniłasia 17, astatnim — 18—20 hadoŭ. Nočču kampanija ŭžyła ekstazi, 19-hadovaj Lery stała drenna, jaje siabry vyklikali chutkuju, ale vyratavać dziaŭčynu nie ŭdałosia.
2 studzienia, u sudzie Pieršamajskaha rajona Minska pačaŭsia praces nad udzielnikami viečaryny. Abvinavačvańnie pa č.1 art. 328 KK (Niezakonny zvarot narkatyčnych srodkaŭ, psichatropnych rečyvaŭ) vystaŭlena siami fihurantam, piša TUT.BY.
Za 20 chvilin da pačatku pasiedžańnia ŭ faje suda niama volnaha miesca: padtrymać abvinavačanych pryjšli baćki, siabry. Na siońnia dvoje ź siami fihurantaŭ — niepaŭnaletnija, za kratami adzin małady čałaviek, astatnija nie pad vartaj.
Na pracesie taksama prysutničaje sacyjalny piedahoh. Abvinavačanym ad 17 da 20 hadoŭ, chtości vučycca ŭ MHU, niechta ŭ Akademii muzyki, inšyja naviedvajuć kursy pa akademičnym malunku i pryvatnyja navučalnyja kursy pa 3D. Adzin z baćkoŭ abvinavačanaha paprasiŭ zakryć sudovy praces.
— Pakolki zakranajecca asabistaje žyćcio, nie chaciełasia b jaho afišavać, — zajaviŭ advakat.
Hetaje chadajnictva padtrymaŭ prakuror, ale sudździa Alaksandr Siarhiej jaho adchiliŭ i skazaŭ, što sprava budzie razhladacca ŭ adkrytym režymie.
Nahadajem, viečarynka, na jakuju 4 žniŭnia 2018 hoda sabralisia vosiem maładych ludziej, skončyłasia trahiedyjaj.
«Niekatoryja z kampanii ŭžyli nabyty raniej psichatrop, u tym liku i haspadynia viečarynki. Baćkoŭ dziaŭčyny ŭ hety čas doma nie było. Rečyva było rasfasavana z dapamohaj elektronnych vahaŭ u pustyja kapsuły ad miedycynskich preparataŭ. Kožnamu pryznačalisia pa dźvie kapsuły z narkotykam. Pa adnoj kapsule prysutnyja ŭžyli adrazu, a astatnija kapsuły zastalisia «na nastupny raz», — paviedamlaŭ u žniŭni Śledčy kamitet.
Sankcyja č.1 art. 328 KK praduhledžvaje pakarańnie ŭ vyhladzie abmiežavańnia voli na termin da piaci hadoŭ abo pazbaŭleńnie voli na termin ad dvuch da piaci hadoŭ.
Kamientary