Videabłohier z Połacka imitavaŭ drobnyja kradziažy dy zdymaŭ heta na telefon — i ŭ vyniku trapiŭ u izalatar
U Połacku miascovaha błohiera aštrafavali na 127,5 rubla za drobnaje chulihanstva. Chłopiec ładziŭ pravierki na prafprydatnaść rabotnikam handlu i achovy — imitavaŭ drobnyja kradziažy, zdymaŭ heta na telefon i vykładvaŭ u internet, paviedamlaje Tut.by sa spasyłkaj na «Viektar TV».
18-hadovy navučeniec adnaho z połackich licejaŭ pryjšoŭ u kramu i zymitavaŭ drobny kradziež — zabraŭ z palicy hłazuravany syrok. Paźniej pakinuŭ jaho na inšym stełažy i nakiravaŭsia da vychadu. Uvieś praces zdymaŭ na telefon i kamientavaŭ. Zatym videa źjaviłasia na YouTube. U błohiera byli i inšyja padobnyja roliki.
Na dumku chłopca, heta prosta pravierka pilnaści pradaŭcoŭ i słužby achovy. Adnak u milicyi inšaje mierkavańnie: navučeniec «dezarhanizavaŭ pracu kramy». Jaho zatrymali, skłali pratakoł za drobnaje chulihanstva i adpravili ŭ izalatar časovaha ŭtrymańnia.
— Sud pastanaviŭ pryciahnuć maładoha čałavieka da administracyjnaha spahnańnia ŭ vyhladzie štrafu ŭ piać bazavych vieličyń (127,5 rubla), — paviedamiła aficyjny pradstaŭnik Połackaha RAUS Julija Zajcava.
U hadavinu śmierci Žanny Fryskie Dźmitryj Šepieleŭ raspavioŭ, čamu nie dazvalaje synu bačycca ź jaje svajakami16
Kamientary