Відэаблогер з Полацка імітаваў дробныя крадзяжы ды здымаў гэта на тэлефон — і ў выніку трапіў у ізалятар
У Полацку мясцовага блогера аштрафавалі на 127,5 рубля за дробнае хуліганства. Хлопец ладзіў праверкі на прафпрыдатнасць работнікам гандлю і аховы — імітаваў дробныя крадзяжы, здымаў гэта на тэлефон і выкладваў у інтэрнэт, паведамляе Tut.by са спасылкай на «Вектар ТВ».
18-гадовы навучэнец аднаго з полацкіх ліцэяў прыйшоў у краму і зымітаваў дробны крадзеж — забраў з паліцы глазураваны сырок. Пазней пакінуў яго на іншым стэлажы і накіраваўся да выхаду. Увесь працэс здымаў на тэлефон і каментаваў. Затым відэа з'явілася на YouTube. У блогера былі і іншыя падобныя ролікі.
На думку хлопца, гэта проста праверка пільнасці прадаўцоў і службы аховы. Аднак у міліцыі іншае меркаванне: навучэнец «дэзарганізаваў працу крамы». Яго затрымалі, склалі пратакол за дробнае хуліганства і адправілі ў ізалятар часовага ўтрымання.
— Суд пастанавіў прыцягнуць маладога чалавека да адміністрацыйнага спагнання ў выглядзе штрафу ў пяць базавых велічынь (127,5 рубля), — паведаміла афіцыйны прадстаўнік Полацкага РАУС Юлія Зайцава.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай58
Каментары