Zajaviŭ na pres-kanfierencyi ŭ Minsku nadzvyčajny i paŭnamocny pasoł Paleściny ŭ Biełarusi Muntasier Abu Ziejd.
Jon zaklikaŭ krainy Jeŭrasajuza i ZŠA "ŭmiašacca ŭ kanflikt i prymusić Izrail vykonvać rezalucyi AAN pa mirnym urehulavańni kanfliktu". "My hatovy vykonvać usie rezalucyi AAN, usie pahadnieńni, padpisanyja ź Izrailem", — padkreśliŭ pasoł.
Muntasier Abu Ziejd zaznačyŭ, što "ZŠA maje vysokuju adkaznaść" u vyrašeńni kanfliktu. "Heta kraina, jakaja moža prymusić Izrail spynić ahresiju", — skazaŭ jon.
Pasoł ličyć, što "paleścinski narod ciapier pakutuje hetak ža sama, jak biełaruski padčas Vialikaj Ajčynnaj vajny".Jon paviedamiŭ, što z 27 śniežnia ŭ Paleścinie zahinuła 400 čałaviek, u tym liku 50 dziaciej. Jašče 2 tysiačy čałaviek paranienyja, u tym liku 200 — ciažka.
30 śniežnia Jeŭrasajuz zaklikaŭ Izrail i hrupoŭku CHAMAS da nieadkładnaha i pastajannaha spynieńnia ahniu. U śpiecyjalnaj zajavie padkreślivajecca, što ŭrehulavańnie kanfliktu pavinna nasić mirny charaktar. Ministry krain Jeŭrasajuza taksama zaklikali adkryć usie prapusknyja punkty na miažy ź Jehiptam i Izrailem, kab evakuiravać paranienych i dastavić u siektar Haza charčavańnie i leki.
27 śniežnia izrailskaja avijacyja atakavała dziesiatki štaboŭ, trenirovačnych centraŭ i składaŭ zbroi, jakija vykarystoŭvajuć radykalnyja hrupoŭki i isłamisckaja palicyja ŭ siektary Haza. Kolkaść achviar avijanalotaŭ nabližajecca da 400.
Metaj apieracyi, jakaja atrymała nazvu "Lity śviniec", izrailskija ŭłady nazyvajuć poŭnaje spynieńnie rakietnych abstrełaŭ z boku paleścinskich bajevikoŭ i papiaredžvajuć, što bajavyja dziejańni buduć praciahvacca i — pry nieabchodnaści — pašyracca.
Paleścincy adkazvajuć rakietna-minamiotnymi abstrełami sumiežnych rajonaŭ Izraila.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?10
Kamientary