Dyk chto ž pieršy ŭnios u Avalnuju zału bieł-čyrvona-bieły ściah 25 žniŭnia 1991-ha
Histaryčnuju spraviadlivaść adnaviŭ u dopisie na staroncy ŭ fejsbuku Siarhiej Navumčyk, deputat Viarchoŭnaha Savieta, jaki byŭ nie prosta śviedkam, ale i ŭdzielnikam padziej.
«Naša Niva» zrabiła cikavy test pra biełaruski kosmas, ale paŭtaryła mif, što nibyta Kavalonak pieršym unios u Avalnuju zału bieł-čyrvona-bieły ściah 25 žniŭnia 1991. Nasamreč, pieršaj, u pieršyja chviliny pieršaha dnia siesii (nie 25, a 24 žniŭnia) ściah u zału ŭniesła Halina Siamdzianava.
I tut ja chaču adrazu adznačyć adzin važny momant i praduchilić mahčymuju błytaninu, z ulikam taho, što narešcie pačali źjaŭlacca fota i videazdymki z tych dzion, raniej nieviadomyja.
Nas było niekalki deputataŭ, chto ad 363-ha pakoja Doma ŭrada (pakoj Apazicyi BNF) nios ściah — Zianon Paźniak, Juraś Bieleńki, Barys Hiuntar, aŭtar hetych radkoŭ, zdajecca, taksama Valancin Hołubieŭ. Adnaznačna, Halina jaho nie niesła (prabačcie ŭžo za toje, što my nie ŭ poŭnaj stupieni razumieli pryncypy hiendarnaj roŭnaści i ličyli, što nieści niešta, ciažejšaje za damskuju sumačku, pavinny mužčyny). Nieśli jaho ŭdvuch ci navat utroch, bo jon byŭ prymacavany (heta pamiataju dakładna) da vialikaj rybałoŭnaj vudy. Pieradaŭ nam jaho niechta z płoščy (potym šukaŭ, ale tak i nie zdoleŭ daviedacca chto).
Na ŭvachodzie ŭ Avalnuju zału achova (aficery KDB) pačali nastojliva pierakonvać nas, što sa ściaham u zału nielha. Ale rukami nie čapali. Ściah u Avalnuju zału my ŭsio ž ŭnieśli. I potym kala sceny addali jaho Halinie, i jana vyniesła jaho na scenu prezidyuma i ŭstalavała pa centry (na fota).
Navat kali b znajšlisia kadry kina- i fotachroniki i vyśvietliłasia b, što pieršym pierastupiŭ miažu Avalnaj zały sa ściaham u rukach niechta z nas — heta nie maje značeńnia. Niesła da sceny i ŭstalavała ściah u Avalnaj zale Halina Siamdzianava, i mienavita tak, a nijak inakš, heta i pavinna zastacca i zastaniecca ŭ historyi.
A Kavalonak unies ściah na druhi dzień, 25 žniŭnia. I heta taksama zastaniecca ŭ historyi — što kasmanaŭt unios ściah u parłamient u dzień, kali była abvieščana niezaležnaść.
Ciapier čytajuć
Zahnuŭsia biznes člena chakiejnaj kamandy Łukašenki, jaki abiacaŭ pabudavać łyžny maniež za Viarchoŭnym sudom uzamien na łasyja ŭčastki3
Kamientary