13-hadovy padletak prapanavaŭ siabram pakatacca na BMV znajomaha maci. Katalisia niekalki hadzin
Zdareńnie adbyłosia 18 studzienia ŭ Rečkach (Mahiloŭski rajon). Da maci padletka na BMW u ahraharadok Rečki pryjechali hości. Małady čałaviek prapanavaŭ svaim dvum znajomym, 16-ci i 17-ci hadoŭ, nočču pakatacca na hetaj mašynie, paviedamlaje SK.
Kala 3 hadzin nočy, kali ŭsie zasnuli, padletak vyciahnuŭ kluč z kišeni kurtki ŭładalnika i pieradaŭ ich adnamu sa starejšych chłopcaŭ. Kab nie pabudzić nikoha, chłopcy vykacili mašynu z dvara, a zatym nakiravalisia ŭ Mahiloŭ, dzie niekalki hadzin jeździli pa vulicach horada. Za rulom aŭtamabila ŭ hety čas pa čarzie znachodzilisia dvoje starejšych chłopcaŭ. Kala 7 ranicy niepaŭnaletni kiroŭca nie spraviŭsia z kiravańniem i ŭrezaŭsia ŭ prypynak hramadskaha transpartu. Na ščaście, maładyja ludzi nie paciarpieli, adnak aŭtamabilu pryčynienyja istotnyja paškodžańni. Ź miesca zdareńnia jany źbiehli, adnak nieŭzabavie byli zatrymanyja supracoŭnikami milicyi.
U dačynieńni da 16-letniaha i 17-hadovaha chłopcaŭ za ździajśnieńnie kradziažu zaviedziena kryminalnaja sprava pa č.2 art.214 Kryminalnaha kodeksa. Maładyja ludzi raniej užo pryciahvalisia da kryminalnaj adkaznaści za anałahičnaje złačynstva. A voś u suviazi ź niedasiahnieńniem ŭzrostu pryciahnieńnia da kryminalnaj adkaznaści, materyjały ŭ dačynieńni da 13-hadovaha padletka nakiravanyja ŭ milicyju. Padazravanyja zatrymanyja.
Kamientary